1 PETER 1:7 - Edisana ñwed Abasi Ibom

⁷ man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 PETER 1:7 Referans Kwoze

ŊWED JOB 23:10

Koro enye ɔfiɔkde usuŋ eke odude ye ami: enye odomo mi: nyewɔrɔ mbiet gold.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

ISAIAH 48:10

Sese, mmatara fi, edi idige ke silver; ndomo fi ke akamba ikaŋ ukut.

1 PETER 4:12

Ndima, ekuyik ikaŋ-ikaŋ idomo eke odude ke otu mbufo, eke etienede mbufo man edomo mbufo efiɔk, nte edide utibe ŋkpɔ ɔwɔrɔ mbufo.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

MALACHI 3:3

enye onyuŋ etie etem silver onyuŋ anam asana: onyuŋ anam nditɔ Levi esana, onyuŋ ɔdiɔŋ mmɔ nte gold ye silver, man mmɔ ewa uwa enɔ Jehovah nte enende.

1 ŊWED CORINTH 3:13

utom kpukpru owo kiet kiet eyeyarare; koro usen oro eyewut enye, koro usen oro edisierede ke ikaŋ; ikaŋ eyenyuŋ odomo se kpukpru owo ekanamde owut oruk utom eke edide.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

JEREMIAH 9:7

Mmɔdo ntem ke Jehovah mme udim ɔdɔhɔ, ete, Sese, ami mmɔŋ ntara mmɔ, nnyuŋ ndomo mmɔ: koro ndinam didie mbaŋa adiaha ikɔt mi?

2 PETER 1:4

emi Enye okonyuŋ adade ɔnɔ nnyin mme uŋwɔŋɔ eke esɔŋde urua enyuŋ ekponde eti-eti; man mbufo eda mmɔ ekabare ebuana ke uduot Abasi, ke ema ekebɔhɔ mbiara emi idiɔk itɔŋ esinde ke ererimbot;

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

ERIYARARE 3:10

Sia ama ekekpeme uyo anyan ime Mi, Ami nyenyuŋ ŋkpeme fi ke ini idomo, emi ɔmɔŋ edisim ofuri ererimbot, ndidomo mmɔ emi eduŋde ke isɔŋ.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

UTOM MME APOSTLE 8:20

Edi Peter ɔbɔrɔ enye ete, Okuk fo etiene fi atak, koro afo ekerede ete iyeda okuk idep enɔ Abasi.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

MATTHEW 25:23

Ɔbɔŋ esie ete, Omotim anam, afo eti asaŋutom ye owo akpanikɔ: afo akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

JEREMIAH 48:36

Oro eyesin esit mi oyomo nti ifiom abaŋa Moab, esit mi onyuŋ oyomo nte ifiom abaŋa mbio-obio Kir-heres: koro inyene oro enye ɔkɔkɔde omosop.

ECCLESIASTES 5:14

Ndien idiɔk nnama esin inyene emi etak; ndien enye obon eyen, edi baba ŋkpɔ kiet iduhe enye ke ubɔk.

MME ŊKE 16:16

Ndinyene eti ibuot ɔfɔn adaŋ didie akan ata gold! Ndinyuŋ nnyene asian edi se owo ekpemekde akan silver.

MME ŊKE 8:19

Mfri mi ɔfɔn akan gold, idem ata eti gold; mbuŋwum mi onyuŋ ɔfɔn akan edimek silver.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

ERIYARARE 3:18

mmɔnɔ fi item nte edep ke ubɔk Mi gold eke etemde asana ke ikaŋ, man enyene inyene; ye afia edisine-ŋkpɔ ada esine ke idem, mbak but iferi fo ediyarare; ye ibɔk enyin ada eyet enyin fo, man okut usuŋ.

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

1 PETER 2:7

Enye ɔsɔŋ urua ke enyin mbufo emi ebuɔtde idem ye Enye; edi ama edi mmɔ emi mibuɔtke idem ye Enye, Itiat emi mme ɔbuɔp-ufɔk ekesinde Amakabare edi Etubom inuk;

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

ŊWED MBON ROME 2:29

edi ata Jew edi enye edide Jew ke esit-esit; ata mbobi onyuŋ edi ŋkpɔ ɔwɔŋesit, odu ke spirit, iduhe ke item eke ewetde; itoro esie inyuŋ itoho owo, edi oto Abasi.

ŊWED MME PSALM 17:3

Afo omodomo esit mi; emese mi ke okoneyo; omodomo mi; ukwe ŋkpɔ; inua mi ibehe ekikere mi.

LUKE 17:30

kpasuk ntre ke edidi ke usen emi Eyen Owo ediyararede idem.

ŊWED MBON ROME 2:10

edi ubɔŋ ye ukpono ye emem eyedoro kpukpru owo eke enamde eti ido, odoro Jew ke akpa-itie, onyuŋ odoro Greek ŋko:

ŊWED MBON ROME 8:19

Koro ofuri ekondo etiede ke ɔkpɔsɔŋ udɔŋ, ebet ini eke ediyararede nditɔ Abasi.

1 PETER 1:13

Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

2 PETER 3:14

Mmɔdo ndima, sia mbufo etiede ebet mme ŋkpɔ emi, enyene ifik ndien, man Enye okposim mbufo nte etiede ke emem, enana ntɔi, enyuŋ enana ndo ke enyin Esie.

NUMBERS 5:28

Edi edieke ŋwan oro mikasabakede idem esie, edi edi edisana; ŋkpɔ idinamke enye, ndien enye eyeyomo idibi.

ŊWED JOB 28:1

KORO silver enyenede itie eke ekutde enye, gold onyuŋ enyene ebiet eke ediɔŋde enye: