1 PETER 1:22 - Edisana ñwed Abasi Ibom

²² Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 1:22 Referans Kwoze

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

MME HEBREW 13:1

YAK ima mbufo ye nditɔ-ete osuk amana ada.

1 JOHN 4:12

Akananam baba owo kiet ikwe Abasi; edieke nnyin imade kiet eken, Abasi ododuŋ ke esit nnyin, ema enyuŋ enam ima Esie ɔfɔn ama ke uwem nnyin.

1 JOHN 4:7

Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

1 JOHN 3:23

Ndien mbet Esie edi ntem, ete, nnyin ibuɔt idem ke enyiŋ Eyen Imɔ Jesus Christ, inyuŋ ima kiet eken, kpa nte Enye ɔnɔde nnyin item.

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

1 ŊWED THESSALONICA 3:12

Ɔbɔŋ akpakam onyuŋ anam mbufo ekɔri enyene ima ɔyɔhɔ ɔyɔhɔ ye kiet eken, enyuŋ enyene ima ye kpukpru owo, kpa nte nnyin inyenede ye mbufo;

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

1 PETER 2:17

Ekpono kpukpru owo. Ema nditɔ-ete. Eteŋe Abasi. Ekpono edidem.

UTOM MME APOSTLE 15:9

Enye inyuŋ isinke ubahare ke ufɔt nnyin ye mmɔ, edi anam esit mmɔ asana oto ke mbuɔtidem.

1 JOHN 3:11

Koro emi edi etop emi mbufo ekekopde toto ke eritɔŋɔ, ete, nnyin ikpama kiet eken;

2 PETER 1:7

ye uteŋe Abasi ke ime, ye iman ke uteŋe Abasi, ye ima ke iman.

ŊWED MBON PHILIPPI 1:9

Ndien mmebeŋe ntem nte, ima mbufo akpakam ɔdɔdiɔŋ awak ke ifiɔk ye kpukpru ikike;

ŊWED MBON EPHESUS 4:3

eme ime ye kiet eken ke ima; esin ifik eda emem nte uruk ebɔp idem edian ɔtɔ kiet ke Spirit.

ŊWED MBON GALATIA 5:5

Koro nnyin ida mbuɔtidem itie ke Spirit ibet edinen ido emi idoride enyin ndibɔ.

ERIYARARE 2:4

Edi mmenyene se ndade mbiom fi, emi ɔkɔkpɔŋde akpa ima fo.

1 PETER 4:17

Koro ekem ini nte ikpe editɔŋɔde ke ufɔk Abasi; ndien edieke ikpe ɔtɔŋɔde ye nnyin, nso ididi utit mmɔ emi misukke ibuot inɔ gospel Abasi?

1 PETER 4:8

Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

MME HEBREW 11:8

Oto mbuɔtidem Abraham, ke adaŋemi ekotde enye, okop uyo Abasi, ete ɔwɔrɔ aka ke isɔŋ eke enye edidade nte udeme esie enye onyuŋ ɔwɔrɔ aka, ifiɔkke ŋkaŋ eke enye akade.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

2 ŊWED CORINTH 6:6

ke edisana ido, ke ifiɔk, ke anyan ime, ke mfɔn-ido, ke spirit eke asanade, ke ata ima, ke ikɔ akpanikɔ, ke odudu Abasi;

JOHN 15:17

Mmowuk mbufo ntem nte, mbufo ema kiet eken.

1 PETER 3:1

KPASUK ntre mbufo iban, esuk idem enɔ ebe eke mbufo, man edieke ndusuk mmɔ minimke ikɔ Abasi ke akpanikɔ, ekpedudi mmɔ eda, itoho ke ukwɔrɔ-ikɔ, edi oto ke edu iban mmɔ;

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

2 ŊWED TIMOTHY 1:14

Kpeme eti enɔ eke ekayakde enɔ fi oto ke Edisana Spirit emi oduŋde nnyin ke esit.

1ŊWED TIMOTHY 5:2

nɔ ŋkani iban item nte mme eka, nyuŋ teme mkparawa iban nte nditɔ-ete ke ata edisana ido.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

1ŊWED TIMOTHY 1:3

Ke adaŋemi mbede ŋkaka ke Macedonia, ŋketeme fi nte osuk etie ke Ephesus, man ɔsɔŋɔ ɔnɔ ndusuk owo do uyo ete mmɔ ekukpep owo ukpep-ŋkpɔ eke ɔkpuhɔrede ye se nnyin ikekpepde,

2 ŊWED THESSALONICA 2:13

Edi ana ɔnɔ nyin ndikɔm Abasi kpukpru ini mbaŋa mbufo, nditɔ-ete emi Ɔbɔŋ amade, koro Abasi ama ɔkɔtɔŋɔ ke eritɔŋɔ emek mbufo ɔnɔ erinyaŋa, ke erinam mbufo esana ke Spirit, ye ke erinam mbufo ebuɔt idem ke akpanikɔ Esie.

ŊWED MBON GALATIA 3:1

O MBON Galatia, emi enanade ibuot, anie ekebre esin mbufo ewɔŋɔre ekpɔŋ Jesus Christ; emi ekosiode ke iso mbufo nte owo emi ewotde ke cross?

ŊWED MBON GALATIA 5:7

Mbufo ekefefehe mbuba nte eyede ndise: anie ɔkɔwɔrɔ ɔkɔbiɔŋɔ mbufo ke usuŋ, ete, ekusuk ibuot enɔ akpanikɔ?

ŊWED MBON ROME 8:13

Koro edieke mbufo edude uwem nte obukidem etemede, mbufo enyene ndikpa; edi edieke mbufo edade spirit, mbufo ewot erinam eke obukidem anamde, mbufo eyedu uwem.

ŊWED MBON ROME 2:8

edi iyaresit ye ifuresit eyetiene mmɔ emi edide mbon ndomo-idem, minyuŋ isukke ibuot inɔ akpanikɔ, edi esukde idem enɔ ukwaŋido.

ŊWED MBON ROME 1:5

(emi ke ubɔk Esie ke mma mbɔ mfɔn ye idaha apostle, ndida nnam kpukpru mme idut esuk ibuot ke mbuɔtidem, kabaŋa enyiŋ Esie:

JOHN 17:17

Da akpanikɔ Fo dianare mmɔ nim nɔ Idem Fo: ikɔ Fo edi akpanikɔ.

JOHN 15:3

Mbufo emesasana oto ke ikɔ eke mma ŋketiŋ nnɔ mbufo.

UTOM MME APOSTLE 6:7

Ndien ikɔ Abasi ɔdɔdiɔŋ asuana; ibat mbet onyuŋ ɔtɔt ke Jerusalem eti-eti; ediwak mme oku enyuŋ esuk ibuot enɔ akpanikɔ.

JOHN 17:19

Ndien kabaŋa mmɔ ndianare Idem Mmi nnim nnɔ Fi, man ekpada akpanikɔ edianare mmɔ ŋko enim enɔ Fi.

JAMES 1:21

Mmɔdo eduɔŋɔ kpukpru ndek-ndek ido ye nyɔhɔ-nsuhɔ udu, enyuŋ ebɔ ikɔ emi etɔde ke esit mbufo ke ododop, kpa ikɔ emi ekemede ndinyaŋa ukpɔŋ mbufo.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;