1 NDIDEM 6:1 - Edisana ñwed Abasi Ibom

¹ EDIKEM ke ɔyɔhɔ isua ikie inaŋ ye anaŋ, nte nditɔ Israel eketo ke isɔŋ Egypt, ke ɔyɔhɔ isua inaŋ, ke ɔfiɔŋ Ziv (oro edi udiana-akpa ɔfiɔŋ), nte Solomon akada ubɔŋ Israel, enye ɔtɔŋɔ ndibɔp ufɔk Jehovah.

1 NDIDEM 6:1 Referans Kwoze

UTOM MME APOSTLE 7:47

Edi Solomon ɔbɔp ufɔk ɔnɔ Enye.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 CHRONICLES 29:19

nyuŋ nɔ Solomon eyen mi esit kiet, man enye onim ibet fo, ye ido fo, ye mme ewuhɔ fo, onyuŋ anam kpukpru, onyuŋ ɔbɔp temple emi ntimde ŋkpɔ mbeŋe.

1 NDIDEM 6:37

Mmɔ etɔŋɔ ndibɔp ufɔk Jehovah ke ɔyɔhɔ isua inaŋ, ke ɔfiɔŋ Ziv:

MME HEBREW 11:10

koro enye odoride enyin ke Obio eke enyenede nsɔŋɔnda, eke Andibɔp ye Andinam Enye edi Abasi.

MME HEBREW 9:11

Edi ke adaŋemi Christ ekedide nte Akwa Oku emi adade nti ŋkpɔ eke ediwɔrɔde edi, Enye asaŋa ebe Ataya eke okponde akan oro onyuŋ ɔfɔnde akan, eke midaha ubɔk inam, oro edi Ataya eke midige eke ererimbot emi;

ŊWED MBON COLOSSAE 2:7

yak mbufo emum ŋkam, enyuŋ ekɔri edaha eda ke Enye, enyuŋ edɔdiɔŋ esɔŋɔ eda ke mbuɔtidem, kpa nte ekekpepde mbufo, enyuŋ enɔ Abasi ekɔm eti-eti.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

1 ŊWED CORINTH 6:19

Mme nte mbufo ifiɔkke ite, ikpɔhidem mbufo edi temple Edisana Spirit, emi oduŋde mbufo ke esit, kpa Spirit emi mbufo ekebɔde ke ubɔk Abasi?

ZECHARIAH 6:15

Ndien mmɔ emi edude ke anyan ebiet eyedi edibɔp temple Jehovah; ndien mbufo eyefiɔk ete ke Jehovah mme udim ɔdɔŋ mi utom ke ɔtɔ mbufo. Ndien ŋkpɔ emi eyedi, edieke mbufo editimde ekop uyo Jehovah Abasi mbufo.

JUDGES 11:26

Emi Israel eduŋde ke Heshbon ye ke mme obio iŋwaŋ esie, ye ke Aroer ye ke kpukpru mme obio emi edude edem Armon, ke ofuri isua ikie ita, nsinam mbufo ndien mikebɔhɔ mmɔ ke ofuri ini oro?

NUMBERS 1:1

EKEM Jehovah ɔdɔhɔ Moses ke wilderness Sinai, ke efe esop, ke akpa usen udiana-akpa ɔfiɔŋ, ke udiana-akpa isua nte mmɔ eketo, ke isɔŋ Egypt, ete,

UTOM MME APOSTLE 13:19

Ndien ke Enye ama okosobo mme idut itiaba ke isɔŋ Canaan, Enye ɔnɔ mmɔ isɔŋ mme idut oro, ete eda enyene, ke adaŋa isua ikie inaŋ ye aba ye duop:

1 NDIDEM 6:2

Ndien uniɔŋ ufɔk emi Solomon ɔbɔpde ɔnɔ Jehovah edi ibio idomo-okuk ata, ubom esie onyuŋ edi ibio idomo-okuk edip, idaha esie onyuŋ edi ibio idomo-okuk edip ye duop.

1 CHRONICLES 6:10

ndien Johanan obon Azariah (edi enye akada oku ke ufɔk emi Solomon ɔkɔbɔpde ke Jerusalem;)

EZRA 5:11

Ndien mmɔ ebɔrɔ nnyin ikɔ ntem, ete, Nnyin idi ikɔt Abasi enyɔŋ ye isɔŋ, inyuŋ ibɔp ufɔk emi ekebɔpde toto ko anyan ini, emi akwa edidem Israel kiet ɔkɔbɔpde, onyuŋ ama enye.

ŊWED MME PSALM 78:69

Ndien enye ɔbɔp edisana ebiet esie nte edikoŋ ufɔk, kpa nte ererimbot emi enye onimde ke itie ke nsinsi.

HAGGAI 1:8

Mbufo edɔk ke obot eda eto edi, enyuŋ ebɔp ufɔk emi, ndien enye eyenem mi esit, nyenyuŋ nda ukpono, Jehovah ɔdɔhɔ.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

2 CHRONICLES 3:3

Ndien emi edi isɔŋ emi Solomon ɔbɔpde ufɔk Abasi ke esit. Uniɔŋ esie ke ibio-idomo-okuk, nte akani idomo etiede, edi ibio-idomo-okuk ata, ubom esie onyuŋ edi ibio-idomo-okuk edip.

EZEKIEL 41:1

NDIEN enye ada mi oduk ke temple, onyuŋ odomo mme adaha, ubom edi ibio-idomo-okuk itiokiet ke edem kiet, ye ibio-idomo-okuk itiokiet ke edem eken, emi edide ubom temple.