1 NDIDEM 5:4 - Edisana ñwed Abasi Ibom

⁴ Edi ke emi Jehovah Abasi mi ama ɔnɔ mi nduɔk-odudu akan okuk, asua iduhe, baba idiɔk-ŋkpɔ kiet inyuŋ iduhe.

1 NDIDEM 5:4 Referans Kwoze

1 CHRONICLES 22:9

Sese, eyen eyemana ɔnɔ fi eke edidide owo nduɔk-odudu; nyenyuŋ nnam enye ɔbɔhɔ kpukpru mme asua esie eke ekande enye ekuk, ɔduɔk odudu: koro enyiŋ esie eyekere Solomon, ndien nyenɔ Israel ifure ke eyo esie.

1 NDIDEM 4:24

Koro enye akarade ofuri edem akpa emi, ɔtɔŋɔde ke Tiphsah tutu osim ke Gaza, onyuŋ akara kpukpru ndidem ke edem akpa emi; onyuŋ etie ke emem ke edem esie kpukpru.

UTOM MME APOSTLE 9:31

Ntre ke ufɔk Abasi ke ofuri Judaea ye Galilee ye Samaria okut ifure, onyuŋ ɔkɔri ke uwem Abasi; mbon Ufɔk Abasi enyuŋ esaŋa ke uteŋe Jehovah ye ke ndɔŋesit Edisana Spirit, enyuŋ etɔt eti-eti.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

ŊWED MME PSALM 72:7

Edinen owo eyefiari ke eyo esie; ye ediwak emem ŋko tutu ɔfiɔŋ okure.

2 SAMUEL 7:5

Ka kɔdɔhɔ owo mi David, ete, Ntem ke Jehovah ɔdɔhɔ ete, Nte afo edibɔp ufɔk iduŋ ɔnɔ mi?

JOSHUA 15:47

Ashdod, ye mme obio esie, ye mme obio iŋwaŋ esie, ye Gaza ye mme obio esie ye mme obio iŋwaŋ esie, tutu osim ke akpa Egypt, ye Akwa Inyaŋ ye mben esie.

1 NDIDEM 5:18

Ndien mme ɔbɔp-ufɔk Solomon, ye mme ɔbɔp-ufɔk Hiram, ye mme Gebalite esɔi: ntre ke mmɔ ediɔŋ eto ye itiat eke edade ebop ufɔk oro.

1 NDIDEM 11:25

Ndien enye edi asua Israel ke ofuri eyo Solomon, adian ye idiɔk-ŋkpɔ oro Hadad akanamde: ndien enye asua Israel, onyuŋ ada ubɔŋ ke Syria.

2 NDIDEM 18:8

Enye asuan mme Philistine tutu osim ke Gaza, ye adaŋa esie, ɔtɔŋɔde ke tower mbon-ukpeme, tutu osim ke obio ibibene.

EZRA 4:20

Mkpɔsɔŋ ndidem ekenyuŋ edu ke Jerusalem, enyuŋ eda ubɔŋ ke ofuri edem akpa emi; mmɔ enyuŋ edia utomo, ye comey, ye utip.