1 NDIDEM 3:11 - Edisana ñwed Abasi Ibom

¹¹ Ndien Abasi ɔdɔhɔ enye, ete, Koro afo ekebeŋede ŋkpɔ emi, mukonyuŋ ubeŋeke ediwak usen ke idemfo: mukonyuŋ ubeŋeke inyene ke idemfo; mukonyuŋ ubeŋeke uwem mme asua fo; edi ama ebeŋe ke idemfo, ete afo ɔfiɔk nditim ŋkpe ikpe;

1 NDIDEM 3:11 Referans Kwoze

ŊWED MBON ROME 8:26

Kpa ntre ŋko ke Spirit onyuŋ anyaŋa mmemidem nnyin: koro nnyin mifiɔkke ndibɔŋ akam nte nnyin ikpɔbɔŋde: edi Spirit ke Idem Esie anam mkpe-ubɔk ɔnɔ nnyin ye mmum eke owo mikemeke nditiŋ.

1 NDIDEM 3:9

onyuŋ abat. Nɔ owo fo ndien esit ɔniɔŋ, man ŋkpe ikpe ikɔt fo, man ntim mfiɔk eti ye idiɔk: koro anie ekeme ndikpe akwa ikɔt fo emi?

MME ŊKE 16:31

Iwat edi anyanya ubɔŋ, ke usuŋ eti ido ke edikut enye.

ŊWED MME PSALM 4:6

Ediwak owo edɔhɔ ete, Anie ediwut nnyin ufɔn? O Jehovah, nam uŋwana iso fo ayama ɔnɔ nnyin.

1 NDIDEM 3:10

Ndien uyo oro enem Ɔbɔŋ, koro Solomon ekebeŋede oruk ŋkpɔ emi.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

2 CHRONICLES 1:11

Ndien Abasi ɔdɔhɔ Solomon, ete, Koro emi odude fi ke esit, munyuŋ ubeŋeke okuk, ye inyene, ye ubɔŋ, ye uwem mme asua fo, munyuŋ ubeŋeke anyan uwem; edi ebeŋe eti ibuot ye ifiɔk ke idem fo, man afo ekpe ikpe ikɔt mi emi nnimde fi ke edidem mmɔ:

JEREMIAH 45:5

Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.