1 NDIDEM 22:5 - Edisana ñwed Abasi Ibom

⁵ Ndien Jehoshaphat ɔdɔhɔ edidem Israel, ete, Mbɔk, bup uyo Jehovah mfin emi.

1 NDIDEM 22:5 Referans Kwoze

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

2 NDIDEM 3:11

Ndien Jehoshaphat ɔdɔhɔ ete, Nte prophet Jehovah eke nnyin ikpedade ibup Jehovah, iduhe mi? Ndien owo ikɔt edidem Israel kiet ɔbɔrɔ ete, Elisha eyen Shaphat, emi ɔkɔtɔhɔde Elijah mmɔŋ ke ubɔk, odu mi.

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

EZEKIEL 14:3

Eyen owo, mme mmɔ emi emeda ibɔk mmɔ ewuk ke esit mmɔ, enyuŋ eda ŋkpɔ iduɔ idiɔk ido mmɔ enim ke iso mmɔ: nte ŋkpayak ebup mi ebaŋa mmɔ?

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

2 NDIDEM 1:3

Ndien angel Jehovah ɔdɔhɔ Elijah Tishbite, ete, Daha ke enyɔŋ, dɔk kosobo ye mme isuŋ-utom edidem Samaria, nyuŋ bup mmɔ, ete, Ndi koro Abasi miduhe ke Israel, esin mbufo eka ndibup Baal-zebub abasi Ekron?

1 SAMUEL 30:8

Ndien David obup Jehovah, ete, Nte ndibine udim owo emi? Nte ndisim mmɔ? Ndien enye ɔdɔhɔ enye, ete, Bine: koro afo mudutreke ndisim mmɔ,

1 SAMUEL 23:4

Ndien David ɔtɔŋɔ ntak obup Jehovah. Ndien Jehovah ɔbɔrɔ enye, ete, Daha ke enyɔŋ suhɔre ke Keilah; koro ami nyeda mme Philistine nsin fi ke ubɔk.

1 SAMUEL 23:2

Ndien David obup Jehovah, ete, Nte ndika ŋkasuan mme Philistine emi? Ndien Jehovah ɔbɔrɔ David, ete, Ka kasuan mme Philistine, nyuŋ nyaŋa Keilah.

1 SAMUEL 14:18

Ndien Saul ɔdɔhɔ Ahijah, ete, Da ekebe Abasi di: koro ekebe Abasi odude ye nditɔ Israel ke ini oro.

JUDGES 20:29

Ndien nditɔ Israel enim mbon-udibe ekan Gibeah ekuk.

JUDGES 20:23

Nditɔ Israel enyuŋ edɔk eketua eyet ke iso Jehovah, ete, Nte ntɔŋɔ ntak ŋka ekɔŋ ye Benjamin eyen-ete mi? Ndien Jehovah ɔdɔhɔ ete, Mbufo edɔk eka ekɔŋ ye enye.

JUDGES 20:18

Ekem mmɔ edaha ke enyɔŋ edɔk ke Beth-el, ekebup Abasi. Ndien nditɔ Israel edɔhɔ, ete, Mme anie owo nnyin edibem iso edɔk ekeŋwana ekɔŋ ye nditɔ Benjamin? Ndien Jehovah ɔdɔhɔ ete, Judah edibem iso.

JUDGES 1:1

EDIKEM adaŋemi Joshua ama akakpa, nditɔ Israel ebup Jehovah, ete, Anie edibem iso ɔdɔk akaŋwana ekɔŋ ye mme Canaanite ɔnɔ nnyin?

JOSHUA 9:14

Ndien mbio oro ebɔ mmɔ udia, inyuŋ ibupke uyo Jehovah.

1 NDIDEM 22:4

Ndien enye obup Jehoshaphat, ete, Nte afo onyime ndisaŋa ye ami, ŋka ekɔŋ ke Ramoth - gilead? Ndien Jehoshaphat ɔdɔhɔ edidem Israel, ete, Ami nnam nte afo anamde, ikɔt mi nte ikɔt fo, mme horse mi nte horse fo.

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.