1 NDIDEM 11:4 - Edisana ñwed Abasi Ibom

⁴ Edikem ke ini usɔŋ Solomon, iban esie eyut enye esit, esin enye akabare etiene abasi efen; ndien ofuri esit esie isaŋake ye Jehovah Abasi esie, nte esit David ete esie.

1 NDIDEM 11:4 Referans Kwoze

1 NDIDEM 9:4

Ndien afo ama asaŋa ke iso mi, kpa nte David usɔ akasaŋade, ke ofuri esit nte enende, anam kpukpru se ntemede fi, ama onyuŋ onim mme ewuhɔ mi ye mme item mi:

1 NDIDEM 8:61

Yak ofuri esit mbufo ndien edu ye Jehovah Abasi nnyin, man esaŋa ke mme ewuhɔ esie, enyuŋ enim mbet esie, kpa nte etiede mfin emi.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 NDIDEM 11:6

Ntre ke Solomon anam idiɔk ke iso Jehovah, inyuŋ itimke itiene Jehovah, nte David ete esie.

2 CHRONICLES 34:2

Enye onyuŋ anam se inende ke iso Jehovah, onyuŋ asaŋa ke usuŋ David ete esie, inyuŋ iwahake ika nnasia inyuŋ ikaha ufien.

2 CHRONICLES 17:3

Ndien Jehovah ada ye Jehoshaphat, koro enye asaŋade ke akpa usuŋ David ete esie, minyuŋ itieneke Baalim;

1 NDIDEM 11:2

eke eketode ke mme idut emi Jehovah ɔkɔdɔhɔde nditɔ Israel, ete, Mbufo ekutiene mmɔ, ekunyuŋ eyak mmɔ etiene mbufo ŋko: mmɔ iditreke ndikabare mbufo esit etiene mme abasi mmɔ: Solomon eyire ye mmɔ oro ke ima.

DEUTERONOMY 17:17

Enye okunyuŋ ɔdɔ ediwak iban, mbak esit esie edikabare: okunyuŋ ɔkɔ ediwak silver ye gold ke idem esie.

2 CHRONICLES 25:2

Ndien enye anam se inende Jehovah ke enyin, edi inamke ke ofuri esit.

1 CHRONICLES 29:19

nyuŋ nɔ Solomon eyen mi esit kiet, man enye onim ibet fo, ye ido fo, ye mme ewuhɔ fo, onyuŋ anam kpukpru, onyuŋ ɔbɔp temple emi ntimde ŋkpɔ mbeŋe.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

1 NDIDEM 15:14

Edi enye imenke ŋkokoŋo ebiet ifep; edi ofuri esit Asa asaŋa ye Jehovah ke ofuri eyo esie.

1 NDIDEM 15:3

Enye onyuŋ asaŋa ke kpukpru mme idiɔk ido ete esie, emi ete ekebemde enye iso anam: ofuri esit esie inyuŋ isaŋake ye Jehovah Abasi esie, nte esit David ete esie.

1 NDIDEM 14:21

Ndien Rehoboam eyen Solomon edi edidem ke Judah. Rehoboam osim isua aba ye kiet ke ini enye adade ubɔŋ, onyuŋ edi edidem ke isua efureba ke Jerusalem, obio oro Jehovah ekemekde ke otu kpukpru esien Israel, ndisin enyiŋ esie do. Ndien enyiŋ eka esie ekere Naamah ŋwan Ammon.

1 NDIDEM 11:42

Ndien mme usen emi Solomon akadade ubɔŋ ofuri Israel ke Jerusalem edi isua aba.

1 NDIDEM 11:38

Ndien ama ekem edieke afo edikopde kpukpru se ami ntemede fi, edinyuŋ asaŋade ke usuŋ mi, onyuŋ anam se inende ke iso mi, onyuŋ onim mme ewuhɔ mi ye mbet mi, kpa nte David owo mi akanamde; nyedu ye afo, ndien, nnyuŋ mbɔp ɔkpɔsɔŋ ufɔk nnɔ fi.

1 NDIDEM 9:10

Edikem ke utit isua edip nte Solomon ɔkɔbɔp ufɔk mbiba oro, ufɔk Jehovah, ye ufɔk edidem,

1 NDIDEM 6:1

EDIKEM ke ɔyɔhɔ isua ikie inaŋ ye anaŋ, nte nditɔ Israel eketo ke isɔŋ Egypt, ke ɔyɔhɔ isua inaŋ, ke ɔfiɔŋ Ziv (oro edi udiana-akpa ɔfiɔŋ), nte Solomon akada ubɔŋ Israel, enye ɔtɔŋɔ ndibɔp ufɔk Jehovah.

DEUTERONOMY 7:4

Koro mmɔ eyenam eyen-eren fo akabare etre nditiene mi, ndien mmɔ eyenam ŋkpɔ abasi efen: ndien iyaresit Jehovah eyefiop ye mbufo, enye eyeyuŋ awara ndisobo fi.

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

1 NDIDEM 11:9

Ndien Jehovah ayat esit ye Solomon, koro esit esie akabarede ɔkpɔŋ Jehovah Abasi Israel, emi okowutde enye idem utim ikaba;

EXODUS 20:3

Kunyene abasi efen ukɔrɔ ye ami.

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.