1 NDIDEM 1:5 - Edisana ñwed Abasi Ibom

⁵ Ndien Adonijah eyen Haggith emenere idem esie, ete, Ami nyeda ubɔŋ: enye onyuŋ otim chariot ye horse ɔnɔ idemesie, ye owo aba ye duop eke efeŋede enye ke iso.

1 NDIDEM 1:5 Referans Kwoze

2 SAMUEL 15:1

EDIKEM adaŋemi ŋkpɔ emi ema ekebe, Absalom otim chariot ye horse ke idemesie ye owo aba ye duop eke efeŋede enye ke iso.

2 SAMUEL 3:4

ye ɔyɔhɔ inaŋ, Adonijah, eyen Haggith; ye ɔyɔhɔ ition, Shephatiah, eyen Abital; ye ɔyɔhɔ itiokiet,

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

ISAIAH 2:7

Silver ye gold enyuŋ eyɔhɔ ke isɔŋ mmɔ, chariot mmɔ inyuŋ inyeneke utit.

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

1 CHRONICLES 29:1

EKEM David edidem ɔdɔhɔ ofuri esop, ete, Solomon eyen mi, emi Abasi emekde ikpɔŋ-ikpɔŋ, edi eyenɔwɔŋ, onyuŋ esehe, ndien utom oro omokpon: koro temple emi midige eke owo, edi enyene Jehovah Abasi.

1 CHRONICLES 28:5

Ndien ke otu kpukpru nditɔ-iren mi (koro Jehovah ama ɔnɔ mi ediwak nditɔ-iren,) enye onyuŋ emek Solomon eyen mi, ete etie ke ebekpo ubɔŋ Jehovah akan Israel.

1 NDIDEM 2:24

Ndien ke emi, ma uwem Jehovah, emi akanamde mi nsɔŋɔ nda, onyuŋ emende mi odori ke ebekpo David ete mi, emi onyuŋ anamde ufɔk ɔnɔ mi, kpa nte enye ɔkɔdɔhɔde, Adonijah eyekpa mfin emi.

1 NDIDEM 1:11

Ekem Nathan prophet ɔdɔhɔ Bath-sheba eka Solomon, ete, Nte afo uka-ukopke, ete ke Adonijah eyen Haggith amada ubɔŋ, ndien David ɔbɔŋ nnyin ifiɔkke?

EXODUS 9:17

Afo ke osuk emen idem fo ɔbiɔŋɔ ikɔt mi, unyuŋ usanake mmɔ uyak.

1 CHRONICLES 3:2

ududɔ, Absalom eyen Maacah eyen Talmai ɔbɔŋ Geshur: ɔyɔhɔ inaŋ, Adonijah eyen Haggith:

JUDGES 9:2

Mbɔk, mbufo edɔhɔ ke utɔŋ kpukpru mme enyene Shechem, ete, Ewe edifɔn mbufo ikan? Ke kpukpru nditɔ Jerubbaal, owo ata ye duop, ndida ubɔŋ mbufo, mme owo kiet ndida ubɔŋ mbufo? Mbufo eti ŋko, ete ke ami ndi ɔkpɔ mbufo ye obukidem mbufo.

1 NDIDEM 1:4

Eyen aŋwan oro onyuŋ eye eti-eti, enye Eyen-onyuŋ ɔbɔk edidem, onyuŋ anam ŋkpɔ ɔnɔ enye: edi edidem ifiɔkke enye.

1 NDIDEM 2:15

Ndien enye ete, Ŋkɔm afo ɔmɔfiɔk ete ke itie edidem ekenyene mi, ofuri Israel ekenyuŋ ewuk enyin ese mi, ete nda ubɔŋ: edi ubɔŋ ama akabare edi eke eyen-ete mi:

1 NDIDEM 2:13

Ndien Adonijah eyen Haggith aka ke ɔtɔ Bathsheba eka Solomon. Ndien enye obup ete, Nte afo edi ye emem?