1 JOHN 5:4 - Edisana ñwed Abasi Ibom

⁴ Koro kpukpru owo eke Abasi okobonde ekan ererimbot; ndien emi edi erikan eke akakande ererimbot, kpa mbuɔtidem nnyin.

1 JOHN 5:4 Referans Kwoze

1 ŊWED CORINTH 15:57

edi yak ekɔm enyene Abasi, emi ɔnɔde nnyin erikan, oto ke Ɔbɔŋ nnyin Jesus Christ.

1 JOHN 4:4

Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

1 JOHN 3:9

Baba owo kiet eke Abasi okobonde inamke idiɔk-ŋkpɔ, koro se Abasi adade obon enye nte eyen oduŋde enye ke idem; enye inyuŋ ikemeke ndinam idiɔk-ŋkpɔ, sia edide Abasi okobon enye.

1 JOHN 5:5

Anie owo edi andikan ererimbot, ke mibɔhɔke enye emi onimde ke akpanikɔ ete, Jesus edi Eyen Abasi?

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 3:12

Owo eke akande, nyenam enye edi adaha ke temple Abasi Mi, ndien enye idiwɔrɔke do aba; nyenyuŋ ŋwet enye enyiŋ Abasi Mi ke idem, ye enyiŋ Obio Abasi Mi, kpa obufa Jerusalem, emi otode Abasi Mi ɔsuhɔre ke heaven edi, ye obufa enyiŋ Idem Mi.

ERIYARARE 2:26

Owo eke akande, onyuŋ anamde mme utom Mi tutu osim utit,

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.