1 JOHN 5:3 - Edisana ñwed Abasi Ibom

³ Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.

1 JOHN 5:3 Referans Kwoze

JOHN 14:15

Mbufo ema ema Mi, eyenim mbet Mi.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

2 JOHN 1:6

Ndien emi edi ima, ete nnyin ikpasaŋa ke mme item Esie. Emi onyuŋ edi item, kpa nte mbufo ekekopde toto ke eritɔŋɔ, ete, mbufo ekpesaŋa ke ima.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

ŊWED MBON ROME 7:22

Koro ndara ibet Abasi ke ɔwɔŋesit mi:

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

ŊWED MBON ROME 7:12

Ntem ke ibet asana, item onyuŋ asana, onyuŋ enen, onyuŋ ɔfɔn.

MME ŊKE 3:17

Usuŋ esie edi usuŋ inemesit, kpukpru ɔkpɔ-usuŋ esie enyuŋ edi ifure.

ŊWED MME PSALM 119:140

Ikɔ fo amasana eti-eti: owo fo omonyuŋ ama enye. Ami mmekpri, nnyuŋ ntie nte mbio: edi mfreke item fo.

ŊWED MME PSALM 119:45

Ndien nyesaŋa ke ŋŋwaŋa ebiet: koro nyomde item fo.

DEUTERONOMY 5:10

nnyuŋ mfɔn ido ye tɔsin emana mmɔ eke emade mi enyuŋ enimde mbet mi.

EXODUS 20:6

nnyuŋ mfɔn ido ye tɔsin emana mmɔ eke emade mi, enyuŋ enimde mbet mi.

MATTHEW 23:4

Mmɔ ebɔp ndidobi mbiomo eke esɔŋde ndibiom, edori owo ke afara: edi mmɔ ke idemmɔ inyimeke ndida nnuenubɔk ntuk mmɔ.

2 NDIDEM 18:6

Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.