1 JOHN 5:1 - Edisana ñwed Abasi Ibom

¹ KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

1 JOHN 5:1 Referans Kwoze

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.

1 JOHN 4:7

Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.

1 JOHN 3:14

Nnyin imɔfiɔk ite imɔwɔrɔ ke mkpa ibe iduk ke uwem, ke emi nnyin imade nditɔ-ete. Owo eke mimaŋa-ma osuk odu ke mkpa.

1 JOHN 5:4

Koro kpukpru owo eke Abasi okobonde ekan ererimbot; ndien emi edi erikan eke akakande ererimbot, kpa mbuɔtidem nnyin.

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

1 JOHN 3:9

Baba owo kiet eke Abasi okobonde inamke idiɔk-ŋkpɔ, koro se Abasi adade obon enye nte eyen oduŋde enye ke idem; enye inyuŋ ikemeke ndinam idiɔk-ŋkpɔ, sia edide Abasi okobon enye.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

MATTHEW 16:16

Simon Peter ɔbɔrɔ Enye ete, Afo edi Christ, Eyen Abasi uwem.

1 JOHN 2:10

Owo eke amade eyen-ete esie ododuŋ ke uŋwana, baba ntak utuaha-ukot inyuŋ iduhe enye ke idem.

JOHN 15:23

Owo eke asuade Mi asua Ete Mi nde.

1 JOHN 4:2

Mbufo eda emi efiɔk Spirit Abasi: kpukpru spirit eke onyimede ete Jesus Christ ama edi ke obukidem oto Abasi;

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

JOHN 6:69

Nnyin imonyuŋ inim ke akpanikɔ inyuŋ ifiɔk ite, Afo edi Edisana Eyen Abasi.

1 JOHN 3:17

Edi owo eke enyenede inyene ererimbot emi, onyuŋ okutde eyen-ete esie ke unana, onyuŋ eberide mbɔm abaha enye, ima Abasi ekeme didie ndiduŋ owo oro ke esit?

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

JOHN 1:3

Oto ke Enye ekenam kpukpru ŋkpɔ; ndien mitoho ke Enye, inamke ŋkpɔ baba kiet eke ekenamde.

1 JOHN 5:5

Anie owo edi andikan ererimbot, ke mibɔhɔke enye emi onimde ke akpanikɔ ete, Jesus edi Eyen Abasi?

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.

LUKE 7:5

Owo oro odot nte Afo akpanamde ŋkpɔ emi ɔnɔ enye; koro enye amade obio nnyin, okonyuŋ ɔbɔpde synagogue ɔnɔ nnyin.

UTOM MME APOSTLE 8:37

ndien eunuch oro ete, Se mmɔŋ mi; nso ibiɔŋɔ mi ndina baptism?