1 JOHN 4:7 - Edisana ñwed Abasi Ibom

⁷ Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.

1 JOHN 4:7 Referans Kwoze

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

1 JOHN 4:8

Owo eke mimaŋa-ma ifiɔkke Abasi, koro Abasi edi ima.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 JOHN 2:10

Owo eke amade eyen-ete esie ododuŋ ke uŋwana, baba ntak utuaha-ukot inyuŋ iduhe enye ke idem.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

2 ŊWED TIMOTHY 1:7

Koro Abasi ikɔnɔŋɔ nnyin spirit ufep, edi spirit odudu ye ima ye mfara-idem.

1 JOHN 4:12

Akananam baba owo kiet ikwe Abasi; edieke nnyin imade kiet eken, Abasi ododuŋ ke esit nnyin, ema enyuŋ enam ima Esie ɔfɔn ama ke uwem nnyin.

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

ŊWED MBON GALATIA 4:9

Edi ke emi mbufo ema ekefiɔk Abasi, ŋkpakam ndɔhɔ nte, ke emi Abasi ama ɔkɔfiɔk mbufo, nsinam mbufo efiakde ebine mmeme nditaha mme odudu oro, enyuŋ eyom nditɔŋɔ ntak nduk ufin nnɔ mmɔ?

JOHN 13:34

Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

1 JOHN 2:4

Owo emi ɔdɔhɔde ete, Mmɔfiɔk Enye, ndien minimke mbet Esie, edi osu-nsu, akpanikɔ inyuŋ iduhe Enye ke esit;

1 JOHN 2:7

Ndima, ŋwetke obufa ibet nnɔ mbufo, edi akani ibet emi mbufo ema enyene toto ke eritɔŋɔ; akani ibet oro edi ikɔ emi mbufo ekokopde.

1 JOHN 3:9

Baba owo kiet eke Abasi okobonde inamke idiɔk-ŋkpɔ, koro se Abasi adade obon enye nte eyen oduŋde enye ke idem; enye inyuŋ ikemeke ndinam idiɔk-ŋkpɔ, sia edide Abasi okobon enye.

1 JOHN 4:11

Ndima, edieke Abasi akamade nnyin ntem, nnyin nde ikpama kiet eken.

1 JOHN 4:16

Ndien nnyin imɔfiɔk, inyuŋ ibuɔt idem ke ima emi Abasi amade nnyin. Abasi edi ima; ndien owo emi oduŋde ke ima ododuŋ ke Abasi, Abasi onyuŋ ododuŋ enye ke idem.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

2 JOHN 1:5

Ndien ke emi mmebeŋe fi, eti ŋwan, idige nte ŋwetde obufa item nnɔ fi, edi idem item emi nnyin ikenyenede toto ke eritɔŋɔ, nte, yak nnyin ima kiet eken.