1 JOHN 4:4 - Edisana ñwed Abasi Ibom

⁴ Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.

1 JOHN 4:4 Referans Kwoze

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

1 JOHN 5:4

Koro kpukpru owo eke Abasi okobonde ekan ererimbot; ndien emi edi erikan eke akakande ererimbot, kpa mbuɔtidem nnyin.

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

1 JOHN 4:16

Ndien nnyin imɔfiɔk, inyuŋ ibuɔt idem ke ima emi Abasi amade nnyin. Abasi edi ima; ndien owo emi oduŋde ke ima ododuŋ ke Abasi, Abasi onyuŋ ododuŋ enye ke idem.

1 ŊWED CORINTH 2:12

Edi nnyin ikɔbɔhɔ spirit ererimbot emi, edi ikɔbɔ spirit emi otode Abasi, man oto do nnyin ikpɔfiɔk mme ŋkpɔ eke Abasi ɔnɔde nnyin ke mfɔn.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

1 JOHN 4:13

Nnyin ida emi ifiɔk ite, nnyin idoduŋ ke Enye, Enye onyuŋ oduŋ nnyin ke idem, koro Enye ama ɔkɔnɔ nnyin udeme ke Spirit Esie.

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

1 JOHN 3:24

Owo emi onimde mbet Esie oduŋ ke Enye, Enye onyuŋ oduŋ ke esit owo oro. Nnyin inyuŋ ida emi ifiɔk ite, Enye oduŋ nnyin ke idem, oto ke Spirit emi Enye ɔkɔnɔde nnyin.

JOHN 12:31

Ekem ini ikpe ererimbot emi: ke emi emɔŋ edisio ɔbɔŋ ererimbot emi eduɔk

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

1 JOHN 4:6

Nnyin idi nditɔ Abasi; owo eke ɔfiɔkde Abasi ɔbiɔŋ utɔŋ okop ikɔ nnyin; edi owo eke midige owo Abasi ikopke ikɔ nnyin. Nnyin ida emi ifiɔk spirit akpanikɔ ye spirit ndudue.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

1 JOHN 2:13

Mmewet nnɔ mbufo, mme ete, koro mbufo efiɔkde Enye emi ɔkɔtɔŋɔde ke eritɔŋɔ odu. Mmewet nnɔ mbufo, mkparawa, koro mbufo ema ekekan andidiɔk. Mma ŋwewet nnɔ mbufo, ŋkpri nditɔ, koro mbufo efiɔkde Ete.

1 ŊWED CORINTH 6:13

Ebot udia enɔ idibi, enyuŋ ebot idibi enɔ udia; edi Abasi eyenam mmɔ mbiba ewɔrɔ ikpikpu.

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

JOHN 16:11

abaŋa ikpe, koro ema ekekpe ikpe ɔbɔŋ ererimbot emi.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

1 JOHN 3:20

koro Abasi okponde akan esit nnyin, onyuŋ ɔfiɔkde kpukpru ŋkpɔ.