1 JOHN 3:7 - Edisana ñwed Abasi Ibom

⁷ Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

1 JOHN 3:7 Referans Kwoze

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

ŊWED MBON ROME 2:13

koro idige mme okop-ibet edi ndinen owo ke iso Abasi, edi ikpe eyetebe mme enim-ibet.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.

1 JOHN 2:26

Mma ŋwewet ŋkpɔ emi nnɔ mbufo mbaŋa mmɔ eke eyomde ndida mbufo nyo ŋkpɔŋ usuŋ.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

UTOM MME APOSTLE 10:35

Ke akpanikɔ mmokut nte Abasi iteŋeke owo enyin: edi ke kpukpru idut Enye adadara owo ekededi eke abakde Enye onyuŋ anamde nti ido.

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

ŊWED MME PSALM 106:3

Ɔfɔfɔn ɔnɔ mmɔ eke ekpemede se inende; (ɔfɔfɔn ɔnɔ) owo eke anamde eti ido kpukpru ini.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 ŊWED CORINTH 6:9

mbufo enyuŋ enam ntem ye nditɔ-ete mbufo. Mme nte mbufo ifiɔkke ite, mme anam-ukwaŋido ididaha Obio Ubɔŋ Abasi inyene? Ekubiaŋa idem mbufo. Mbon-use, ye mme okpono-ndem, ye mme esin-efibe,

LUKE 1:75

Ke edisana ido ye edinen ido ke iso Imɔ ke ofuri uwem nnyin.

JAMES 2:19

Afo omonim ke akpanikɔ ete, Abasi kiet ke odudu? Ɔfɔn: mme demon ŋko enim ke akpanikɔ enyuŋ enyek.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.

JAMES 1:22

Yak mbufo edi mme anam-ikɔ, ekudi mme andikokop ikpɔŋ-ikpɔŋ, ebiaŋa idem.

MME HEBREW 7:2

emi Abraham onyuŋ abaharede kpukpru ŋkpɔ ke itie duop osio ubak kiet ɔnɔ enye; (ebem iso ekot enye, ete, Edidem edinen ido, enyuŋ ekot enye, Edidem Salem ŋko, oro ɔwɔrɔ ete,

MME HEBREW 1:8

Edi Enye ɔdɔhɔ abaŋa Eyen, ete, Ebekpo Fo, O Abasi, ebigi ke nsinsi; Mmɔnyɔ edinen ido edi mmɔnyɔ Ubɔŋ Fo.

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

1 JOHN 3:18

Ŋkpri nditɔ mi, eyak nnyin ikuma ke ikɔ-inua ye ke edeme, edi eyak nnyin ima ke erinanam ye ke akpanikɔ.

1 JOHN 4:17

Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.