1 JOHN 2:5 - Edisana ñwed Abasi Ibom

⁵ edi owo ekededi eke onimde ikɔ Esie, ke akpanikɔ ke emenam ima Abasi ɔfɔn ama ke esit esie.

1 JOHN 2:5 Referans Kwoze

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

1 JOHN 3:24

Owo emi onimde mbet Esie oduŋ ke Enye, Enye onyuŋ oduŋ ke esit owo oro. Nnyin inyuŋ ida emi ifiɔk ite, Enye oduŋ nnyin ke idem, oto ke Spirit emi Enye ɔkɔnɔde nnyin.

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

ERIYARARE 14:12

Mi ke ekut ime nti ikɔt Abasi, kpa mmɔ emi enimde mbet Abasi, enyuŋ ebuɔtde idem ye Jesus.

1 JOHN 5:2

Nnyin ida emi ifiɔk ite, nnyin imama nditɔ Abasi, sia nnyin imade Abasi, inyuŋ inimde mbet Esie.

JOHN 15:5

Ami ndi vine, mbufo edi mme ŋkɔk: owo eke oduŋde Mi ke idem, Ami nnyuŋ nduŋde enye ke idem, kpa enye oŋwum mfri ekese: koro esiode Mi efep, mbufo ikemeke ndinam baba ŋkpɔ kiet.

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

1 JOHN 4:18

Ndik isineke ke ima; edi ima eke ɔfɔnde ama ebin ndik efep; koro ndik asaŋa ye ufen; ndien owo eke efehede ndik, ke ikanamke enye ɔfɔn ama ke ima.

ŊWED MME PSALM 119:146

Nseme ŋkot fi; nyaŋa mi, ndien nyenim uyo fo.

2 ŊWED CORINTH 5:17

Ntem edieke owo odude ke Christ, ema ebot enye obufa; ŋkani ŋkpɔ ema ebe efep: sese, emekabare edi mbufa.

ERIYARARE 12:17

Ndien dragon ayat esit ye ŋwan, onyuŋ adaha ndiŋwana ekɔŋ ye nditɔ esie emi esuhɔde emi enimde mme item Abasi, enyuŋ eyirede emum ikɔ-ntiense Jesus ekama.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

ŊWED MBON ROME 8:1

MMƆDO ubiom-ikpe iduhe aba inɔ mmɔ emi edude ke Christ Jesus.

JAMES 2:22

Omokut ete, erinim ke akpanikɔ akasaŋa ye se enye anamde, ndien oto ke se enye anamde ekenyene mbuɔtidem eke ɔfɔnde ama,

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

JOHN 6:56

Owo eke adiade obukidem Mi, onyuŋ ɔŋwɔŋde iyip Mi, osuk oduŋ Mi ke idem, Ami nnyuŋ nduŋ enye ke idem.

ECCLESIASTES 8:5

Owo eke onimde ewuhɔ idikwe baba idiɔk ŋkpɔ kiet: enyene-ibuot owo omonyuŋ ɔfiɔk ini ye edinen ido.

ŊWED MME PSALM 106:3

Ɔfɔfɔn ɔnɔ mmɔ eke ekpemede se inende; (ɔfɔfɔn ɔnɔ) owo eke anamde eti ido kpukpru ini.

MME ŊKE 8:32

Mbufo nditɔwɔŋ, ekop ndien uyo mi: ndien ɔfɔfɔn ye mmɔ eke ekpemede usuŋ mi.

ŊWED MME PSALM 119:4

Afo omowuk ete etim enim item fo eti-eti.

MME ŊKE 28:7

Owo eke onimde mbet edi eyen asian: edi nsaŋa mme ɔduɔŋɔ-ŋkpɔ eyesin ete esie but.

ŊWED MME PSALM 105:45

kpaŋ mmɔ ekpenim mme ewuhɔ esie, enyuŋ ekpe, mbet esie. Mbufo etoro Jehovah.

1 JOHN 4:17

Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.

2 JOHN 1:6

Ndien emi edi ima, ete nnyin ikpasaŋa ke mme item Esie. Emi onyuŋ edi item, kpa nte mbufo ekekopde toto ke eritɔŋɔ, ete, mbufo ekpesaŋa ke ima.