1 JOHN 2:4 - Edisana ñwed Abasi Ibom

⁴ Owo emi ɔdɔhɔde ete, Mmɔfiɔk Enye, ndien minimke mbet Esie, edi osu-nsu, akpanikɔ inyuŋ iduhe Enye ke esit;

1 JOHN 2:4 Referans Kwoze

1 JOHN 1:6

Edieke idɔhɔde ite, iduk nduk ye Enye, ndien nnyin isaŋa ke ekim, nnyin isosu, inyuŋ inamke se idide akpanikɔ:

TITUS 1:16

Mmɔ edɔhɔ ete, mme imɔ ifiɔk Abasi; edi mmɔ ekaŋ Enye ke ido mmɔ, sia mmɔ ebiamde mbubiam, enyuŋ esɔŋde ibuot, enyuŋ ebiarade adaŋa nte mmɔ mikemeke ndinam ndomo eti utom kiet.

1 JOHN 1:8

Edieke nnyin idɔhɔde ite, nnyin inyeneke idiɔk-ŋkpɔ, nnyin ibabiaŋa idem, akpanikɔ inyuŋ iduhe nnyin ke esit.

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

1 JOHN 2:9

Owo eke ɔdɔhɔde ete imɔ idu ke uŋwana, ndien enye asua eyen-ete esie, osuk odu ke ekim tutu osim emi.

1 JOHN 1:10

Edieke nnyin idɔhɔde ite akanam nnyin inamke idiɔk-ŋkpɔ, imakabare Enye inim ke osu-nsu, ikɔ Esie inyuŋ iduhe nnyin ke esit.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

TITUS 1:10

Koro ediwak mbon nsɔŋ-ibuot edu, eke edide mbio ikpikpu ndutiŋ ye mbio abiaŋa, akpan-akpan ke otu mme ana-mbobi.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

1 JOHN 3:6

Baba owo kiet eke oduŋde ke Enye inamke idiɔk-ŋkpɔ. Kpukpru owo eke enamde idiɔk-ŋkpɔ ikekwe Enye, inyuŋ ifiɔkke Enye.

1 JOHN 4:7

Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.