1 JOHN 1:3 - Edisana ñwed Abasi Ibom

³ se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

1 JOHN 1:3 Referans Kwoze

1 ŊWED CORINTH 1:9

Abasi edi anam-akpanikɔ, emi okokotde mbufo ete ediduk nsaŋa ye Eyen Esie Jesus Christ Ɔbɔŋ nnyin.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

UTOM MME APOSTLE 4:20

koro nnyin mikemeke nditre nditiŋ se nnyin ikokutde inyuŋ ikopde.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

ŊWED MBON PHILIPPI 2:1

EDIEKE odudu ndidemere mbufo odude ke Christ, edieke ima ekemede ndituk mbufo esit, edieke mbufo enyenede nsaŋa ye Spirit, edieke ima ye mbɔm odude mbufo ke esit, enam nnyene idaresit ɔyɔhɔ-ɔyɔhɔ.

2 ŊWED CORINTH 13:14

Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 1:1

SE ikodude toto ke eritɔŋɔ, se nnyin ikokopde, se ikokutde ke enyin, se inyuŋ isede, inyuŋ idade ubɔk ituk, ibaŋa Ikɔ uwem

MME HEBREW 3:14

koro nnyin imakabare idi mme abuana ŋkpɔ ye Christ, edieke nnyin isɔŋɔde imum mbuɔtidem eke ikenyenede ke eritɔŋɔ tutu osim akpatre:

ŊWED MBON PHILIPPI 3:10

Man ŋkpɔfiɔk Enye ye odudu eriset Esie ke udi, ye nsaŋa ke ndutuhɔ Esie, nnyuŋ ŋkabare ŋkpa mkpa eke ebietde mkpa Esie;

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

MME HEBREW 3:1

MMƆDO, ndisana nditɔ-ete, emi enyenede udeme ke ikot eke otode ke heaven, ese Apostle ye Akwa Oku emi nnyin inyimede ite idi ikɔt Esie, kpa Jesus;

ŊWED MBON COLOSSAE 1:13

emi okosiode nnyin ke odudu ekim, esin ke Obio Ubɔŋ Eyen Ima Esie:

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

1 JOHN 1:5

Ndien emi edi etop eke ikokopde ke inua Esie, inyuŋ isian mbufo, ite, Abasi edi uŋwana, ekim inyuŋ iduhe ke Enye.

MME HEBREW 2:12

ete, Nyetaŋa enyiŋ Fo nnɔ nditɔete Mi, Nyekwɔ itoro Fo ke otu mbon esop.

1ŊWED TIMOTHY 6:2

Yak mmɔ emi enyenede ete-ufɔk eke onimde ke akpanikɔ ekuse enye ke ndek oto koro enye edide eyenete. Edi mmɔ ekam enam ŋkpɔ enɔ enye ekan, koro enye emi adiade ufɔn ubɔktom mmɔ edi owo mbuɔtidem ye edima owo Abasi.

ŊWED MBON PHILIPPI 1:7

kpa nte enende mi ndinyene utɔ ekikere emi mbaŋa kpukpru mbufo; mmum mbufo ke esit mi ŋkama, koro ke ŋkpɔkɔbi mi, ye ke eneni eke nnenide man gospel ɔsɔŋɔ ada, mbufo kpukpru esaŋa ntre ye ami ebuana mfɔn Abasi.

ŊWED MBON EPHESUS 3:6

ete, ke Christ Jesus, mme Gentile eyedi mme ebuana-udeme ye mme Jew, ye ndido idem kiet ye mmɔ, ye mme anditiene mmɔ mbuana ke uŋwɔŋɔ oto ke gospel:

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

1 ŊWED THESSALONICA 1:10

inyuŋ itie ibet tutu Eyen Esie oto ke heaven edi, emi Enye akanamde eset ke mkpa, kpa Jesus, emi anyaŋade nnyin osio ke iyaresit eke ɔmɔŋ edidi.

1 ŊWED CORINTH 15:1

NDITƆ-ETE mi, mmanam mbufo efiɔk gospel oro ŋkɔkwɔrɔde nnɔ mbufo, emi mbufo ekenyuŋ ebɔde, enyuŋ esɔŋɔde eda ke esit;

ŊWED MBON ROME 15:27

Edi se ikenemde mmɔ ke enyin ke akpanikɔ; mmɔ enyuŋ ekama mmɔ oro isɔn ŋko. Koro edieke mmɔ ema ekenam mme Gentile etiene mmɔ enyene udeme ke ŋkpɔ spirit, mme Gentile ekama mmɔ isɔn ndida ŋkpɔ obukidem nnɔ mmɔ nte uwa.

UTOM MME APOSTLE 13:41

Mbufo emi esuenede Jehovah, ese, enyuŋ eyik, enyuŋ etak; Koro mmanam erinam ke eyo mbufo, Kpa erinam eke mbufo midinimke ke akpanikɔ, owo ekpetetiŋ ɔnɔ mbufo.

UTOM MME APOSTLE 13:32

Ndien nnyin ida eti etop uŋwɔŋɔ oro ekeŋwɔŋɔde enɔ mme ete isɔk mbufo, ite,

UTOM MME APOSTLE 2:42

Mmɔ oro enyuŋ edɔdiɔŋ esin ifik ke erikpep ye nsaŋa mme apostle, ye ke eribuŋ uyo ye ke akam.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

ŊWED MME PSALM 22:22

Nyebuk enyiŋ fo nnɔ nditɔ-ete mi: nyetoro fi ke ufɔt mbon-esop.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

ŊWED MME PSALM 2:7

Yak ntiŋ mbaŋa ewuhɔ: Jehovah ɔmɔdɔhɔ mi, ete, Afo edi eyen mi ami mmobon fi mfin emi.

JOHN 19:35

Ndien owo emi okokutde ŋkpɔ emi edi ntiense, ndien ikɔ-ntiense esie edi se owo ekpenimde ke akpanikɔ: enye onyuŋ ɔfiɔk ete imɔ itiŋ akpanikɔ, man mbufo ŋko enim ke akpanikɔ.

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.

NUMBERS 10:32

Ama ekem, ke afo asaŋade ye nnyin, nnyin iyeda mfɔn emi Jehovah edifɔnde ye nnyin, ifɔn ye afo ŋko.

ŊWED JOB 13:1

SESE, enyin mi ama okut kpukpru, utɔŋ mi ama okop, onyuŋ otim ɔfiɔk enye.