1 JOHN 1:2 - Edisana ñwed Abasi Ibom

² (ndien uwem oro akayarare owut idem, nnyin ima inyuŋ ikut Enye, inyuŋ idi ntiense inɔ Enye, inyuŋ isian mbufo Uwem oro, kpa nsinsi Uwem, emi okodude ye Ete, ekenyuŋ eyararede enɔ nnyin);

1 JOHN 1:2 Referans Kwoze

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

JOHN 1:4

Uwem odu Enye ke idem; uwem oro onyuŋ edi uŋwana owo.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

1 JOHN 5:11

Ndien emi edi ikɔ-ntiense, ete, Abasi ɔkɔnɔ nnyin nsinsi uwem, uwem emi onyuŋ odu ke Eyen Esie.

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.

2 ŊWED TIMOTHY 1:10

ema enyuŋ ewut uduak ye mfɔn emi ke emi ke eriyarare Andinyaŋa nnyin Christ Jesus, emi akabiatde mkpa,

ŊWED MBON GALATIA 4:4

edi ke adaŋemi ekemde uyɔhɔ ini, Abasi osio Eyen Esie ɔdɔŋ ŋwan aman Enye, Enye onyuŋ esine ke idak-ibet

JOHN 15:27

Mbufo eyenyuŋ etiene edi ntiense enɔ Mi, koro mbufo ekodude ye Ami toto ke eritɔŋɔ.

UTOM MME APOSTLE 3:15

edi Abasi amanam Enye eset ke mkpa; emi nnyin idide mme ntiense.

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

ŊWED MBON ROME 8:3

Koro se ibet mikikemeke ndinam, ke emi obukidem esinde enye edi mmem-mmen, Abasi akanam; ke emi Enye osiode Eyen Esie ɔdɔŋ ke mbiet obukidem idiɔk-ŋkpɔ, onyuŋ adade Enye nte isop, anam ikpe obiom idiɔk-ŋkpɔ ke obukidem Esie:

UTOM MME APOSTLE 10:41

onyuŋ ɔnɔ Enye ete owut Idem, idige ke enyin kpukpru owo edi ke enyin mme ntiense emi Abasi ekebemde iso emek, oro edi nnyin, emi ikadiade inyuŋ iŋwɔŋde ŋkpɔ ye Enye ke Enye ama ekeset ke mkpa.

UTOM MME APOSTLE 5:32

Nnyin inyuŋ idi mme ntiense ŋkpɔ emi: Edisana Spirit, emi Abasi ɔnɔde mmɔ emi ekopde uyo Esie, onyuŋ edi ntiense ŋko.

UTOM MME APOSTLE 2:32

Abasi akanam Jesus emi eset ke mkpa, nte nnyin kpukpru idide mme ntiense.

UTOM MME APOSTLE 1:22

Jesus ododuk ɔwɔwɔŋɔ ke otu nnyin, tɔŋɔ ke baptism John tutu osim usen emi emende Enye edɔk ekpɔŋ nnyin, ke otu mmɔ emi owo kiet enyene nditiene nnyin ndi ntiense eriset Esie.

JOHN 21:14

Emi edi ɔyɔhɔ utim ikata eke Jesus owutde Idem Esie ɔnɔ mbet, ke Enye ama ekeset ke mkpa.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

JOHN 8:38

Ami mmen se ŋketiede ye Ete Mi ŋkut ntiŋ; mbufo ŋko enam se ekekopde ke inua ete mbufo.

JOHN 7:29

Ami mmɔfiɔk Enye; koro ntode Enye, onyuŋ edi Enye ɔkɔdɔŋ Mi.

JOHN 3:13

Ndien baba owo kiet ikɔdɔkke ikoduk ke heaven, ke mibɔhɔke Enye emi okotode ke heaven ɔsuhɔre edi, kpa Eyen Owo emi odude ke heaven.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

1 JOHN 1:1

SE ikodude toto ke eritɔŋɔ, se nnyin ikokopde, se ikokutde ke enyin, se inyuŋ isede, inyuŋ idade ubɔk ituk, ibaŋa Ikɔ uwem

JOHN 10:28

Ami nnyuŋ nnɔ mmɔ nsinsi uwem; ndien mmɔ iditakke ke nsinsi, baba owo kiet idinyuŋ iwamakere mmɔ isio Mi ke ubɔk.

JOHN 19:35

Ndien owo emi okokutde ŋkpɔ emi edi ntiense, ndien ikɔ-ntiense esie edi se owo ekpenimde ke akpanikɔ: enye onyuŋ ɔfiɔk ete imɔ itiŋ akpanikɔ, man mbufo ŋko enim ke akpanikɔ.

1 JOHN 2:25

Ndien emi edise Enye ɔkɔŋwɔŋɔde ndinɔ nnyin, kpa nsinsi uwem.

1 JOHN 4:2

Mbufo eda emi efiɔk Spirit Abasi: kpukpru spirit eke onyimede ete Jesus Christ ama edi ke obukidem oto Abasi;

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

1 JOHN 5:13

Mma ŋwetwet ŋkpɔ emi nnɔ mbufo, man mbufo efiɔk ete mme imɔ imenyene nsinsi uwem, kpa mbufo emi ebuɔtde idem ke enyiŋ Eyen Abasi.