1 JOHN 1:1 - Edisana ñwed Abasi Ibom

¹ SE ikodude toto ke eritɔŋɔ, se nnyin ikokopde, se ikokutde ke enyin, se inyuŋ isede, inyuŋ idade ubɔk ituk, ibaŋa Ikɔ uwem

1 JOHN 1:1 Referans Kwoze

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.

UTOM MME APOSTLE 4:20

koro nnyin mikemeke nditre nditiŋ se nnyin ikokutde inyuŋ ikopde.

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

LUKE 24:39

Ese ubɔk ye ukot Mi, efiɔk ete edi Ami ke Idem Mi; efiɔŋɔ Mi, enyuŋ ese: koro spirit inyeneke obuk ye ɔkpɔ nte mbufo ekutde Ami nnyenede.

JOHN 8:58

Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

JOHN 19:35

Ndien owo emi okokutde ŋkpɔ emi edi ntiense, ndien ikɔ-ntiense esie edi se owo ekpenimde ke akpanikɔ: enye onyuŋ ɔfiɔk ete imɔ itiŋ akpanikɔ, man mbufo ŋko enim ke akpanikɔ.

UTOM MME APOSTLE 1:3

Enye onyuŋ ada ediwak idiɔŋɔ owut mmɔ Idem Esie nte odu-uwem, ke mkpa Esie ama ekebe, owut mmɔ Idem usen aba, onyuŋ etiŋ ŋkpɔ abaŋa Obio Ubɔŋ Abasi.

ERIYARARE 19:13

Enye onyuŋ esine ɔfɔŋidem emi ekedebide ke iyip: enyiŋ Esie onyuŋ ekere IKƆ ABASI.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

LUKE 1:2

kpa nte mmɔ, emi ekedide mme ntiense toto ke eritɔŋɔ ye mme andikwɔrɔ ikɔ Abasi, ekayakde enɔ nnyin;

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ISAIAH 41:4

Anie ekesin okonyuŋ anam, ke okot mme emana toto ke eritɔŋɔ? ami Jehovah, akpa, emi nnyuŋ ndude ke akpatre; ami ndi Enye.

1 JOHN 5:7

Ndien Spirit etie ntiense, koro Spirit edide akpanikɔ.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;