Yuunusa 1:14 - Hapari Zooshapweya

¹⁴ Yo khukhuwa ankhuwelaka Nnyizinku araka: “Oo, Nnyizinku, ohinilikhelele nifwaka mwaasa wa pinaatamu otu, na ohinikwisele paathuli ofwa wa mwinyi otu. Zooshi zarettikhana khwa nanna olakeliyeezo.”

Yuunusa 1:14 Referans Kwoze

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Matewuzhu 11:26

Khweele, Paapa, ti nanna waatakhiyeezo.

Yuunusa 1:16

Ooniyeevo toole, amalinyero ooshi khwiiya awoova channu na khumwaaputu Nnyizinku. Khunrettela twaha Nnyizinku na theenya ahiti.

Yuunusa 1:5

Amalinyero ooshi khwiiya awoova, wakhula mmote wa yo khusala akhuwa anvekelaka nluku awe, yoori apatthe wuusurukha, na khusala atupweeza mapwattha aya mpahari, yoori eveyaveye pankaya yaya. Wakathi aya opo Yuunusa, aarettiye eeshukheliye mpurawu eettaka olala ajisahawiye.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Khaazi 28:4

Atthu a veesura aphale nawoona evili eri vankhono wa Paawulu, khusala alupa yoori: “Weekhweele mwinyi otu namahusuti, maana oosurukha mpahari, olikha toowo, haakhi khinlawa onlikha wiiya haayi.”

Mwanzo 9:6

“Mwaasa yoori Nluku amumpa pinaatamu ajilattanisaka mweenyewe, otule animuulaaye pinaatamu na ye ontta wuuliiwa ti pinaatamu.

Yuunusa 1:13

Ila amalinyero apale khuhintupweezi, khwaaza ofuttha kaafi na kuvu zaya zooshi yoori afiye vathi. Khuhisala ewaheya, mwaasa wa pahari yeetta ovira etepaka otakhala.

Yuunusa 3:8

Atthu ooshi awale saakhu, na awalise nyama zaya, akhuwe khwa nzina la Nluku na kuvu zaya zooshi. Attharuwe oretta vitthu zootakhala na ohusuti.