Yuuda 1:13 - Hapari Zooshapweya

¹³ Yo anuupuwa nkhama mawipi oowali a mpahari, asarulelaka oje maphovu a khaazi zaya zoopatthisa haaya, anuupuwa nkhama matthottowa oohiina tarikhi, apo aya athokoreliwa mileele yoori eeye puuro ya wiicha n'yiiza.

Yuuda 1:13 Referans Kwoze

2 Pheeturu 2:17

Atthu aya apo ari nkhama anaattuuttu oohiina maati, na ari nkhama mawiku aweettettisiwa ti pheevo yawaatta. Nluku awaapwehela puuro ya wiicha saaneene na wooripamo.

Afiliipu 3:19

Mwiisho wa apo aya opwetheya, nluku aya ejohojoho yaya, na anjikhutupulana vitthu epile zoopatthisa haaya; anuupuwela vitthu za voolumwenku apha paasi.

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Yuuda 1:6

Mwifikhiri malayikha apale ahithokoreleeni puuro yaya ya ofwalume, ila khwanswi meekhazi aya, Nluku awaapweha nhali wooripamo na khuwaafukana makwinjili a mileele mpakha siikhu ya ophukiwa.