Yuuda 1:1 - Hapari Zooshapweya

¹ Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Yuuda 1:1 Referans Kwoze

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

Yaahaya 14:22

Yuuda, nkina woohiiyi Yuuda Eshikariyoote, khuri: “Mbwana, mwaasa aya niini weeyo ontakhaaye ojithoonyeza khwa fweeyo paasi khuhijithoonyezi olumwenku wooshi?”

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

Arooma 1:1

Miiyo Paawulu, karumeya wa Yinsa Al-Masiihu, kakhuweliwa yoori kiiye aswihaapa, kithawuliweeyo yoori kilaleye hapari zooshapweya za Nluku,

Yaahaya 17:15

Akinuuvekela yoori owaalazevo voolumwenku, ila oweenanele khwa ntakhali.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Arooma 8:30

Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

2 Timootiyu 4:18

Mbwana onikitaphula khwa khaazi zooshi zootakhala na onikithuula kiri woolipalipa muufwalume mwawe pinkuuni. Attitthimisiwe ye khwa mileele! Amiina!

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

1 Akorintiyu 1:2

khwa ojama wa Nluku oriiye sitati ya Korintiyu, na apale oottakatthisiwa khwa Yinsa Al-Masiihu na akhuweliweeyo yoori eeye attakatthiifu, vamote na ooshi apale ankhuwaaye khwa nzina la Mbwana Yinsa Al-Masiihu, Mbwana aya na weetthu.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

Khaazi 27:23

Maana taana osikhu lakipuwelela nlayikha la Nluku mweenyewe miiyo na otule kinimwaputwaaye,

Luuka 6:16

Yuuda mwaana wa Tiyaaku, na Yuuda Eshikariyoote, otule aari weettelaaye onzinkula Yinsa.

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Khaazi 1:13

Noofiya khuvira nnyupa vatulu nhali amakiyeemo. Aarivo: Pheeturu, Yaahaya, Tiyaaku na Antere; Filiipe, Tome, Parutulumeewu Matewuzhu; Tiyaaku mwaana wa Alufeeyu, Simawu Zelooti, na Yuuda mwaana wa Tiyaaku.

Yaahaya 17:19

Khwa zwaamu yaya kinjittakatthisa miiyo, yoori na yo attakatthe khwa haakhi.

Yaahaya 17:17

Owaattakatthise na haakhi; nttakhuzi lawo haakhi.

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 6:39

Matakhelo a otule akirumiyeeyo pi apa: ahikaashikhe hatha mmote wa otule akinkhiyeeyo, ila miiyo kinsisimule siikhu ya mwiisho.

Maaruku 3:18

Antere, Filiipe, Parutulumeewu, Matewuzhu, Tome, Tiyaaku, mwaana wa Alufeeyu, Tadeewu, Simawu Zelooti,

Matewuzhu 10:3

Filiipe na Parutulumeewu; Tome na Matewuzhu, namariphisa lumpuru; Tiyaaku mwaana wa Alufeeyu na Tadeewu;

Matewuzhu 13:55

Otu khahi mwaana wa kalapinteero? Nzina la mamaawe khahi Mariyamu, attwiize khayi Tiyaaku, Yuusufu, Simawu na Yuuda?

Maaruku 6:3

Khahiyo kalapinteero otu, mwaana wa Mariyamu, ttwiiye Tiyaaku, Yuusufu, Yuuda na Simawu! Alupuwe khari nttumphu!” Khusala ajoona oveyisiwa ti ye.

Arooma 1:6

na mweeyo theenya mwiri phantte ya apale akhuweliweeyo yoori eeye a Yinsa Al-Masiihu.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.