58 Yinsa khuwaajipu yoori: “Miiyo kiniwuuzani khweele yoori, Eburahiima ahinavokoliwe Miiyo Ti Miiyo.”
Nluku khumuuza Munsa araka: “miiyo ti miiyo. Owooze etthiipo meezirayiilu, yoori: ‘miiyo ti miiyo ti akirumiyeeyo vakatthi venu.’ ”
Ye ti tthakuzi wa vitthu zooshi, khwa ye zooshi zeeyavo.
Na, nasaapi eti, okittitthimise oo Paapa, vamote na weeyo khwa siifwa kaarinaaye na weeyo khapulathi olumwenku ohineeyevo.
“Miiyo ki Omwanzo na Omwiisho,” alupa Nluku Mbwana, “otule ariivo, aariivo na otule anttelaaye ota, Nwahi zooshi.”
Yinsa Al-Masiihu, ti othuuto taana, leelo na mpakha mileele.
“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.
“Khwa ojama wa Nluku wa Eshimiirina waatikhe yoori: Apa mattakhuzi a otule eeyiye wa Waaza na wa Wiishela, afwiiyeeyo na khusisimuwa.
Miiyo kiniwuuzani khweele yoori, otule anshututelaaye nttakhuzi laka khanteela woona ofwa.”
elupaka yoori: “Waatikhe nkithaapu mphu epi onoonaazo, operekhe khwa ojama sapa wa Nluku ori Aaziya: Eefezu, Eshimiirina, Perekaamu, Tiyatiira, Saariti, Filateelifiya na Lawotiseeya.”
Yinsa khuwaajipu araka: “Miiyo kiniwuuzani khweele yoori, wooshi otule aniikhalaaye khwa twampi mwiitthwaana wa twampi.
Tiito kinlupaaye yoori mwinttela ofwa ntwampi mweenu. Nkhama mweeyo khamwinkhupali yoori Miiyo Ti Miiyo, weekhweele mwinttela ofwa ntwampi mweenu.”
Aphano Yinsa khuri: “Amana mweeyo mwinsifu Mwaana wa Pinaatamu, mwintta ojuwa yoori Miiyo Ti Miiyo na akinretta hatha etthu ya matakhelo aka, ila kinlupa etile Paapa akisomisiyeeyo.
Yinsa khuwaajipu yoori: “Miiyo kawuuzani, ila mweeyo khuhikhupali. Khaazi kinkholaazo miiyo khwa nzina la Paapa enhakikhi monkoni wa miiyo.