Yaahaya 8:55 - Hapari Zooshapweya

⁵⁵ Mweeyo khamwininjuwa, ila miiyo kininjuwa. Eriwaka keettiye olupa yoori akininjuwa, kaari wiiya namahata nkhama mweeyo, ila miiyo weekhweele kininjuwa na kinshututela nttakhuzi lawe.

Yaahaya 8:55 Referans Kwoze

Yaahaya 8:19

Aphano khumuuzela yoori: “Papaawo aya ori vayi?” Yinsa khuwaajipu yoori: “Mweeyo khamwinikijuwa miiyo na khamwininjuwa Paapa, eriwaka mwaari okijuwa, mweetta onjuwa Paapa.”

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Othoonyeziwa 3:9

Moone etthu kinttelaaye owaarettela apale eeyiyeeyo sinakooka ya epiliisi na anjilupezaaye oyaahuuti ahiiyeeni, ila eeyiyeeyo anamahata. Miiyo kinttela owaakokhorisa nshini wa moolu enu na ajuwe yoori miiyo koophetani mweeyo.

Yaahaya 8:51

Miiyo kiniwuuzani khweele yoori, otule anshututelaaye nttakhuzi laka khanteela woona ofwa.”

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

1 Yaahaya 5:10

Otule aninkhupalaaye Mwaana wa Nluku onaaye oshaahiti aya opo nroho mwawe. Ila otule ahininkhupalaaye Nluku oninretta wiiya namahata, maana khakhupaleeni oshaahiti Nluku enkhiyeeyo monkoni wa Mwanawe.

Yaahaya 15:21

Zooshi epo anlawa ooretteleni mweeyo, mwaasa wa nzina laka, maana khaninjuwa otule akirumiyeeyo.

1 Yaahaya 2:22

Namahata paani? Ti otule anlupaaye yoori Yinsa khahiyo Al-Masiihu. Othuuto tiye eeye atuwi wa Al-Masiihu, aninkatthalaaye Paapa na Mwaana.

1 Yaahaya 2:4

Otule anraaye: “Miiyo kininjuwa” ila ahishututelaka oruma wawe namahata, na haakhi khiri vamote na ye.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Khaazi 17:23

Kazukulela sitati eti yooshi, wakhula vahali khusala kisikana vitthu mwinaaputwaazo hatha kansikana alitaari aatikhiweeyo yoori: nluku woohijuwiwi. Othuuto, mwinimwaaputwaaye mwihinjuwaka, ti othuuto kininlupaaye miiyo kiwuuzakani.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 15:10

Amana mweeyo mwishututela oruma waka mwiniiya nkatthi wa pheta yaka, nkhama etthiipo na miiyo kinshututelaaye oruma wa Paapa na kiiyiyeeyo nkatthi wa pheta yawe.

Yaahaya 10:15

etthiipo Paapa anikijuwaaye na miiyo kininjuwa Paapa; na kininkha ohaayi aka pwittipwitthi zaka.

Yaahaya 8:29

Otule akirumiyeeyo ori vamote na miiyo, ye khakilikheeni wiiya otthome, maana wakhula wakathi kinretta etile enintuvelaaye.”

Yaahaya 6:46

Khina anamoone Paapa, ila otule alankhiyeeyo wa Nluku ti amooniyeeyo Paapa.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Yaahaya 8:52

Mayaahuuti khujipu araka: “Aphano ninjuwa yoori khweele onaaye sheethwani! Eburahiima afwa, na manapiyu, ila weeyo onlupa yoori: ‘Ntthu amana ashututela nttakhuzi aka khanteela ofwa.’

1 Yaahaya 1:6

Amana nilupaka yoori Nluku nina vamote na okhuno neettettaka n'yiiza, nintta olokova na khaninlotta haakhi.