Yaahaya 8:34 - Hapari Zooshapweya

³⁴ Yinsa khuwaajipu araka: “Miiyo kiniwuuzani khweele yoori, wooshi otule aniikhalaaye khwa twampi mwiitthwaana wa twampi.

Yaahaya 8:34 Referans Kwoze

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

2 Pheeturu 2:19

Awaahitaka atthu otaphuliwa, ila yo ari amwiitthwaana a vitthu zootakhala, maana ntthu oniiya mwiitthwaana wa etile eninshinttaaye.

Arooma 6:12

Nakataalikha mwihilikhelele twampi orutela oshintta mwiili enu onfwaaye, zuurettisakani oshututela tuvela zenu.

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Arooma 7:25

Kininshukhurwela Nluku khwa Yinsa Al-Masiihu, Mbwana eetthu! Khwa nanna za akhili zaka, kimwenyewe kinrumeyela kano ya Nluku, ila mwiili aka, onrumeyela twampi.

Arooma 8:21

yoori zumpe ziiye zootaphuliwa muuvitthwaana wa ohoocheya aari opattikhanaamo, apwekherelaka otaphuliwa wa siifwa za aana a Nluku.

Arooma 7:14

Ninjuwa yoori kano pi za nroho; ila miiyo ki pinaatamu woottettheya na koozanyisiwa nkhama mwiitthwaana wa twampi.

Khaazi 8:23

maana kinoona yoori weeyo yawiitaala katapu na washawiwa ti twampi.”

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Matewuzhu 5:18

Kiniwuuzani khweele yoori, erivo etthiipi pinku na vathi khina nanna entakhaaye waashikha nenkawu alama yiisheliye ya kano ama nttottonka, mpakha zooshi erettikhane.