Yaahaya 7:33 - Hapari Zooshapweya

³³ Yinsa khuwooza yoori: “Kiri vamote na mweeyo wakathi vattitthiiru nawiisha kinlawa wa otule akirumiyeeyo.

Yaahaya 7:33 Referans Kwoze

Yaahaya 16:5

Ila enasaapi eti kineetta wa otule akirumiyeeyo, khaavo mmote anikuuzelaaye yoori: ‘Oneetta vayi?’

Yaahaya 13:33

“Aanaaka, nalelo khwa wakathi vattitthiiru kiri vamote na mweeyo. Mweeyo mwinlawa mwakeekese, ila miiyo kiniwuuzani nkhama kiwooziyeezo mayaahuuti yoori: ohali kineettaawo mweeyo khamwinwahi ofiyawo. Na mweeyo enasaapi eti kiniwuuzani etthiipo.

Yaahaya 17:13

“Ila nasaapi eti kintta okho oriiwo weeyo, kinlupa mattakhuzi apo nalelo kiri voolumwenku, yoori yo eeyane furaha yaka yookamilikha.

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

Yaahaya 16:10

khwa shariya, maana kineetta wa Paapa, khamwinteela okoona theenya;

Yaahaya 14:19

Khwa wakathi vattitthiiru atthu a voolumwenku khanteela okoona theenya, ila mweeyo mwinlawa mwakoone. Mwaasa wa miiyo wiiya haayi, na mweeyo mwinlawa mweeyane ohaayi.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 13:1

Esaleelaka ofiya siikhu ya Paashikowa, Yinsa aajuwiye yoori wafiya wakathi wa ye olikha olumwenku opu eette wa Paapa, khuwaapheta apale awe aari voolumwenku, awaaphetiye mpakha mwiisho.

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Yaahaya 9:4

Maana enihithajiya okhola khaazi nthana otthuupu za otule akirumiyeeyo, amana oripa khina anwahaaye okhola khaazi.

Yaahaya 14:12

Miiyo kiniwuuzani khweele yoori, otule anikikhupalaaye miiyo onkhola khaazi epi kikholiyeezo hatha onkhola zooziti epi, maana miiyo kineetta wa Paapa.

Yaahaya 14:28

“Mwasiila eti kilupiyeeyo: ‘Miiyo kintta olawa, ila kinlawa kooruteleni mweeyo.’ Eriwaka mwaari okipheta, mweetta ofurahi mwaasa wa miiyo weetta wa Paapa, maana Paapa akiziti miiyo.

Yaahaya 20:17

Yinsa khulupa yoori: “Ohikikholele, maana nalelo akinarutele wa Paapa. Olawe vakatthi wa attwiizaku wawooze yoori: ‘Miiyo kintta orutela wa Paapa na Papeenu mweeyo, wa Nluku aka na Nluku weenu mweeyo.’ ”