Yaahaya 6:37 - Hapari Zooshapweya

³⁷ Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Yaahaya 6:37 Referans Kwoze

Matewuzhu 11:28

Mwikiteele miiyo mooshi mweeyo mwiiyiye ooshokhera na oolemeliwa, miiyo kintta wuuvumulisani.

Yaahaya 6:39

Matakhelo a otule akirumiyeeyo pi apa: ahikaashikhe hatha mmote wa otule akinkhiyeeyo, ila miiyo kinsisimule siikhu ya mwiisho.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 17:6

“Kawaathoonyeza nzina lawo apale okinkhiyeeyo voolumwenku. Apo aya aari awo, weeyo khukinkha miiyo, yo anshututela nttakhuzi lawo.

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Meepereewu 4:15

Tiito khanina haakhimu nwulu wa tiini ahinwahaaye omweeleya otteettheya weetthu, ila apho ninaaye haakhimu nwulu wa tiini wa wiiya nkhama fweeyo, azayiniweeyo nanna zene nkhama fweeyo, ila ye khakoseeni.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

Yaahaya 6:65

Ye khuri: “Tiito kiniwuuzaanini yoori, khina anwahaaye okiteela miiyo kiheetteeni winkhiwa ti Paapa.”

Arooma 5:20

Kano zaateeliye weekezela ovonya. Ila, vahali eniitaalaavo twampi, rehema ya Nluku eniittikhela attaapho.

Othoonyeziwa 22:17

Rooho na namaposiwa anri: “Ote!” Na wooshi otule anttelaaye osiila alupe yoori: “Ote:” Otule ariina nnyottha, ate; na otule antakhaaye, anywe maati a mahala a ohaayi.

1 Yaahaya 2:19

Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

Meepereewu 7:25

Tiito, ye onaaye owahi mileele wa owoosuru apale animwaattamaaye Nluku khwa ye, maana meekhazi awe ooshi aniiya a owaavekelela yo.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Afiliipu 1:29

Mweeyo mwenkhiwa ruhusa khahiyo paasi ya onkhupali Al-Masiihu ila theenya ohoowa mwaasa wa ye.

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 9:34

Mayaahuuti khunjipu yoori: “Weeyo wavokoliwa ntwampi; onaaye makhaamu oonisomisa fweeyo?” Attaaphale khumwiikara.