Yaahaya 6:33 - Hapari Zooshapweya

³³ Maana phaawu ya Nluku ti otule eeshukhiyeeyo pinkuuni khwinkha ohaayi olumwenku.”

Yaahaya 6:33 Referans Kwoze

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 8:42

Yinsa khuwooza yoori: “Eriwaka Nluku aari Papeenu, mweetta okipheta, maana miiyo kalankha wa Nluku tiito kiriiyo apha. Miiyo akijitiiseeni otthome, ila ye ti akirumiyeeyo.

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

Yaahaya 6:50

Eti phaawu yiishukhiyeeyo pinkuuni, yoori wakhula otule anjaaye ahifwe.

Yaahaya 6:48

Miiyo ki phaawu ya ohaayi.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 3:13

Maana khina anawele pinkuuni woohiiyi otule alankhiyeeyo pinkuuni: Mwaana wa Pinaatamu.

1 Timootiyu 1:15

Mattakhuzi apa pi ookhweele na ansuhi okhupaleliwa: Yinsa Al-Masiihu ti ye aatiiyeeyo voolumwenku oteela owoosuru anatwampi, wootepacha waya ti miiyo.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 6:32

Yinsa khuwooza yoori: “Miiyo kiniwuuzani khweele yoori, khahiyo Munsa awinkhiyeenini phaawu ya pinkuuni, ila Paapa ti aninkhaaye phaawu ya khweele ya pinkuuni.

Yaahaya 6:41

Mayaahuuti khusala aapa mwaasa wa Yinsa owooza yoori: “Miiyo ki phaawu yiishukhiyeeyo pinkuuni.”

Yaahaya 6:58

Eti phaawu elankhiyeeyo pinkuuni. Apapazenu aja mana na khufwa, ila otule anrafunaaye phaawu eti oniiya haayi mileele.”