Yaahaya 5:40 - Hapari Zooshapweya

⁴⁰ ila mweeyo khamwintakha okiteela miiyo yoori mwiiyane ohaayi.

Yaahaya 5:40 Referans Kwoze

Yaahaya 3:19

Ophukiwa waya pi opu; nuuru yata voolumwenku, ila atthu khupheta yiiza, khwiiphiiriwa ti nuuru, mwaasa wa menttezi aya aari ootakhala.

Yaahaya 1:11

Awaateliye apale eeyiyeeyo awe, yo khuhimpwekhereli.

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Matewuzhu 23:37

“Yeruzaleemu, Yeruzaleemu, weeyo oniwoola manapiyu na owaavonya apale aperekhiweeyo! Swaafu kavi miiyo kitakhaka owaakusanya aanaawo nkhama mwanakhu aniwaakusanyaazo aanaawe mmapaphelo mwawe, ila weeyo khuhitakhi.

Othoonyeziwa 22:17

Rooho na namaposiwa anri: “Ote!” Na wooshi otule anttelaaye osiila alupe yoori: “Ote:” Otule ariina nnyottha, ate; na otule antakhaaye, anywe maati a mahala a ohaayi.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Yaahaya 5:44

Mwinttela okhupali toovi mwitakhaka osifwiwa pi atthu, mwihitakhaka siifwa ya Nluku mmote paasi?

Matewuzhu 22:3

Aphano khuwaaruma a karumeya awe olawa owaakhuwela anamalaleyiwa yoori ate onjampo, ila yo khuhitakhi ota.

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Yaahaya 5:41

“Miiyo akinkhupalela siifwa za anaatamu.

Yaahaya 10:10

Nantarawu onteela wiiya, wuula na otapanya. Miiyo kata yoori mwiiyane ohaayi wa waatta na woolikana.