Yaahaya 5:39 - Hapari Zooshapweya

³⁹ Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Yaahaya 5:39 Referans Kwoze

Luuka 24:27

Khusala aweeleza mattakhuzi ooshi aatikhiweeyo nkithaapu aari onlupaaye ye, waaza kithaapu ya napiyu Munsa mpakha za manapiyu akinoko.

Luuka 24:44

Nawiisha khulupa yoori: “Pi etthiipi kaawuuziyeenini wakathi opule kaari vamote na mweeyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na Zaapuura.”

Khaazi 17:11

Atthu a Bereeya khaarina shawuri zoofukeya zayita atthu a Tizaloonika; yo aapokhereliye nttakhuzi la Nluku na niiya khuluyeene, khusala apheleleza siikhu zooshi Zawaatikhiwa Ttakatthiifu yoori oone nkhama zooshi zaari etthiipi.

Matewuzhu 22:29

Yinsa khuwaajipu yoori: “Mweeyo mwattettekhiwa, maana khamwinjuwa Zawaatikhiwa Ttakatthiifu wala owahi wa Nluku.

Khaazi 13:27

Atthu a Yeruzaleemu na afwalume aya khanjuwiye paani Yinsa, ila anhukhumwelaka ofwa aari weettettisela mattakhuzi alupiweeyo ti manapiyu, aari osomiwaaye wakhula saapatu.

Yaahaya 5:46

Eriwaka mwaari okhupalela epile Munsa alupiyeeyo, mweetta okikhupalela na miiyo, maana ye aatikha vitthu monkoni wa miiyo.

Arooma 3:2

Zawaatta, khwa nanna zooshi onaaye fwayita, maana weekhweele mayaahuuti pi yo enkheleliweeyo nttakhuzi la Nluku omwanzo.

Maaruku 12:10

Khamwinasome etthu enlupaaye Zawaatikhiwa Ttakatthiifu? “ ‘Liwe anamajeka akatthaliyeeyo, nttho laya laretteya wiiya liwe linkhomaazaaye!

Othoonyeziwa 19:10

Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”

Arooma 1:2

etthiipo Nluku ahitiyeeyo asulani khwa manapiyu awe nkatthi wa Zawaatikhiwa Ttakatthiifu,

Khaazi 26:27

Mfwalume Akiriipa, oniwaakhupali manapiyu? Miiyo kinjuwa yoori oniwaakhupali.”

Yaahaya 7:52

Yo khujipu yoori: “Na weeyo o wa Kalileya? Woone na ontta ojuwa yoori Kalileya khampuwawo hatha napiyu.”

Yaahaya 5:32

Ila owaapho nkina anlawelaaye oshaahiti monkoni wa miiyo na miiyo kinjuwa yoori oshaahiti aya opo alupiyeeyo monkoni wa miiyo haakhi.

Yaahaya 5:36

Ila miiyo kinaaye oshaahiti nwulweene zayita Yaahaya, mwaasa wa khaazi akinkhiyeeyo Paapa yoori kikhole. Ethiito oshaahiti yoori Paapa ti akirumiyeeyo.

Zaapuura 16:11

Weeyo onikithoonyeza tarikhi ya ohaayi, omaasho wawo ewaakho furaha ya waatta, nkhono nlume awo ziwaakho vitthu zoopuheya zihinishaaye.

Luuka 16:31

“Eburahiima khujipu yoori: ‘Ahisiileziru kano za Munsa na za manapiyu, hatha nkhama ntthu eetta osisimuwa muufwa, yo khanteela onkhupalela.’ ”

Meepereewu 11:16

Ila nasaapi eti, anwejela nti wa fwayita, nti aya opo pinkuuni. Tiito, Nluku khinimpattha haaya wiitthiwa yoori Nluku waya yo, na aattalela sitati yoori owaapwekherele.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Luuka 16:29

“Eburahiima khunjipu yoori: ‘Attwiizo anaaye kano za Munsa na kithaapu za manapiyu, asiileze etthiipo.’

Yaahaya 1:45

Filiipe khunsikana Natanayeele khumuuza yoori: “Nansikana otule Munsa aatikhiyeeyo nkithaapu ya kano monkoni wa ye na manapiyu. Yinsa wa Nazareeti, mwaana wa Yuusufu!”

Zaapuura 1:2

Ila tuvela yawe eri nkano ya Nnyizinku na ompheleleza kano yaya ethiito nthana na osikhu.

Zaapuura 133:3

Eri nkhama mmatte wa mwaako Herimooni amana wiishukhelaka mwaako Siyoni. Aphale Nnyizinku aninkhaavo parakha na ohaayi wa mileele.

Meepereewu 11:35

Khwa amini aarivo aakha, awaapokhereliye ananfwa aya ari osisimuwa. Akina woonisiwa shaani na khukatthala otaphuliwa, yoori awahi opattha osisimuwa nwulweene;

Luuka 24:25

Aphano Yinsa khuwooza yoori: “Atthu oorupaza weeleyiwa na oolipa waamini epile alupiyeezo manapiyu!

Yaahaya 5:40

ila mweeyo khamwintakha okiteela miiyo yoori mwiiyane ohaayi.

Maaruku 10:3

Ye khuwaajipu yoori: “Munsa aruma niini?”