Yaahaya 5:19 - Hapari Zooshapweya

¹⁹ Aphano Yinsa khuwooza yoori: “Miiyo kiniwuuzani khweele yoori, Mwaana khanretta etthu yawe, ila onretta etile animoonaaye Paapa arettaka. Maana zooshi epile anrettaaye Paapa, Mwaana onretta etthiipo.

Yaahaya 5:19 Referans Kwoze

Yaahaya 12:49

Akinjilupa miiyo, ila Paapa otu akirumiyeeyo ti akirumiyeeyo etthu yoolupa na olaleya.

Yaahaya 8:28

Aphano Yinsa khuri: “Amana mweeyo mwinsifu Mwaana wa Pinaatamu, mwintta ojuwa yoori Miiyo Ti Miiyo na akinretta hatha etthu ya matakhelo aka, ila kinlupa etile Paapa akisomisiyeeyo.

Yaahaya 14:10

Weeyo khunkhupali yoori miiyo kiina Paapa na Paapa ona miiyo? Mattakhuzi apa kiniwuuzaanini khahiyo aka paasi. Ila, Paapa aniikhalaaye khwa miiyo, ontta okhola khaazi yawe.

Yaahaya 10:18

Khina anikinyakanyaaye, ila miiyo kininkha khwa matakhelo aka ooshi. Kinaaye ruhusa ya winkha na othuula. Oruma opo kapokhera wa Paapa.”

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Yaahaya 9:4

Maana enihithajiya okhola khaazi nthana otthuupu za otule akirumiyeeyo, amana oripa khina anwahaaye okhola khaazi.

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

Mwanzo 1:26

Nluku khulupa theenya yoori: “Nimumpe pinaatamu woonishapihi wa wiiya nkhama fweeyo! Yoori eeyane owahi wooshintta swi za mpahari na anyannyi ootulu, mifuwo za vaje na nyama za ntthuttu mpakha nyama zooshi zinjipurulaaye vathi.”

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Mwanzo 1:1

Omwanzo, Nluku ompa pinku na vathi.

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Akoloosu 1:16

Maana khwa ye zompiwa vitthu zooshi, pinkuuni na vathi, za wooneya na zoohooneyi, waaza khukulu, yenzi, owahi ama ofwalume; zooshi zompiwa khwa ye na pi za awe.

Afiliipu 4:13

Kinwahi oretta zooshi khwa otule anikikhomaazaaye.

Afiliipu 3:21

Ye onteela ozukulisa mwiili eetthu wootarawiwa alattanisaka mwiili awe woottitthima, khwa owahi onimwinkhaaye makhaamu a oshintta vitthu zooshi vathi wa ofwalume awe.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

2 Akorintiyu 4:14

Maana najuwa yoori otule ansisimuliyeeyo Mbwana Yinsa muufwa, theenya onlawa anisisimule na Yinsa na anithoonyeze vamote na mweeyo omaasho wawe.

1 Akorintiyu 15:12

Nkhama entafusiriwa yoori Al-Masiihu asisimuwa vakatthi wa ananfwa, nannani akinoko a mweeyo alupaka yoori khawiivo osisimuwa wa ananfwa?

Arooma 6:4

Nakataalikha nazikhaniwa ye muufwa khwa njampo la woosa, yoori, nkhama etthiipo Yinsa asisimuwiyeeyo muufwa khwa siifwa ya Paapa, na fweeyo niikhale khwa ohaayi mpheya.

Khaazi 2:24

Ila Nluku ansisimuliyeeyo vakatthi wa ananfwa, khuntthomela owahi woofwa maana yaari etthu yoohiwaheyi oshinttiwa ti ofwa.

Yaahaya 2:19

Yinsa khujipu yoori: “Mwipweche nyuupa eti, miiyo kintta ojeka opheya khwa siikhu ttatthu!”

Olaawo 4:11

Nnyizinku khunjipu yoori: “Paani amwinkhiyeeyo milomo pinaatamu? Paani amwinkhiyeeyo ottakhula wala paani awuumpiyeeyo apale oohisiili? Wala apale awoona ama apale oohooni? Khahiyo miiyo Nnyizinku?

1 Atizaloonika 4:14

Nkhama ninkhupalela yoori Yinsa afwa na asisimuwa, nakhupalela theenya yoori Nluku onlawa awaakusanye na Yinsa ooshi apale afwiyeeyo ankhupalaka ye.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 12:50

Miiyo kinjuwa yoori oruma wawe ohaayi wa mileele. Nakataalikha etile akirumiyeeyo paapa kinlupa ethiito.”