Yaahaya 4:36 - Hapari Zooshapweya

³⁶ Otule anuurulaaye ompwekhera phakari yawe na onuurula mishumo za ohaayi wa mileele, khwa nanna namuurula anttelaaye ofurahi vamote na anamazala.

Yaahaya 4:36 Referans Kwoze

Arooma 1:13

Kintakha mweeyo attwiizaku mwijuwe yoori kaaza raku owaza shawuri za oteela owoonani, ila khusala kitapwateliwa mpakha apha. Niiya kiriina otakha wuurula mishumo vakatthi venu mweeyo, nkhama kinuurulaazo vakatthi wa amalapo akina aya.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

1 Timootiyu 4:16

Ojiinanele weeyo na wiiyane phoole na mwentto opu onsomisaaye, vitthu epo ojilipise oretta. Amana okhanyarela oretta etthiipo, ontta ojuusuru weeyo na apale anuusiilaaye.

1 Atizaloonika 2:19

Nakataalikha nroromelo eetthu niini, furaha ama jarata ninjisifwanaaye omaasho wa Mbwana eetthu Yinsa khwa ota wawe? Khahiyo mweeyo?

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

1 Akorintiyu 9:17

Nkhama kintafusiri khwa niiya yaka, kiina ya oriphiwa; ila nkhama khahiyo khwa niiya yaka khinkhola khaazi kinkhiweeyo.

1 Akorintiyu 9:18

Phakari yaka ti tiivi? Tiiti: otafusiri hapari zooshapweya kifiise mahala, woohirumeyeli ruhusa kiriina amana kitafusiraka.