Yaahaya 3:36 - Hapari Zooshapweya

³⁶ Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 3:36 Referans Kwoze

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Yaahaya 1:12

Ila apale ampwekhereliyeeyo na akhupaliyeeyo nzina lawe, awenkha ruhusa yooretteya wiiya aana a Nluku.

1 Atizaloonika 5:9

Maana Nluku khanitthomeleeni katapu, ila yoori nipwekherele nusura khwa vakatthi wa Mbwana eetthu Yinsa Al-Masiihu.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

Arooma 5:9

Nkhama apha nihakikhiweeyo khwa taamu yawe, natepa theenya khwa ye ninteela wuusurukha khwa katapu ya Nluku!

Yaahaya 8:51

Miiyo kiniwuuzani khweele yoori, otule anshututelaaye nttakhuzi laka khanteela woona ofwa.”

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

Akaalata 3:10

Maana ooshi apale antakhaaye ohakikhiwa khwa khaazi za kano apo ari nkatthi Woolanikha; maana yaatikhiwa yoori: “Alaanikha wooshi otule ahinlottiselaaye vitthu zooshi epile zaatikhiweeyo nkithaapu ya kano khusala alottela.”

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Luuka 3:6

Atthu ooshi anteela woona nusura ya Nluku.’ ”

Meepereewu 10:29

Yatepa channu hukhumu khwa otule anintarawaaye Mwaana wa Nluku, ahittheeni fwayita taamu ya osiilana etile ewaatwahareshiyeeyo, na khuttukhana Rooho ya rehema?

Meepereewu 2:3

ninttela owerawera toovi hukhumu, amana nitarawu nusura khuluyeene? Ethiito elaleyiweeyo omwanzweene ti Mbwana, khuhakikhisiwa pi apale asiiliyeeyo.

Arooma 4:15

Maana kano entana katapu, na vahali woohiivo kano, khiniiyavo koosa.

Luuka 2:30

Koona nusura yawo na maasho aka

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Maaruku 16:16

Otule ankhupalelaaye na khoosiwa ontta wuusurukha, ila otule ahinkhupalelaaye oniiyana paathuli.

Yaahaya 4:36

Otule anuurulaaye ompwekhera phakari yawe na onuurula mishumo za ohaayi wa mileele, khwa nanna namuurula anttelaaye ofurahi vamote na anamazala.

Yaahaya 6:58

Eti phaawu elankhiyeeyo pinkuuni. Apapazenu aja mana na khufwa, ila otule anrafunaaye phaawu eti oniiya haayi mileele.”

Khaazi 14:2

Ila mayaahuuti apale ahaakhupaliyeeyo khusala awaatakhela viittha amalapo yoori oomanane mamuumini.

Meepereewu 3:18

Khi apaani aawalaphiyeeyo yoori khaari oteela ofiya puuro ya ovumula? Khahi anamakhijili?

Meepereewu 3:19

Nakataalikha noone yoori yo mwaasa wookhijili khawaheeni ofiya.