Yaahaya 3:17 - Hapari Zooshapweya

¹⁷ Nluku amperekha Mwanawe voolumwenku, khahiyo yoori ahukhumu olumwenku, ila yoori olumwenku wuusurukhe khwa ye.

Yaahaya 3:17 Referans Kwoze

1 Yaahaya 4:14

Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

Luuka 19:10

Mwaasa yoori Mwaana wa Pinaatamu ateela oweekesa apale aashikhiiyeeyo awoosuru.”

Yaahaya 6:57

Nkhama Paapa akiperekhiyeeyo eeyiyeeyo haayi, na miiyo kiniikhala mwaasa wa ye. Khwa etthiipo otule anrafunaaye mwiili aka oniiyana ohaayi mwaasa wa miiyo.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 6:29

Yinsa khuwaajipu yoori: “Khaazi Nluku antakhaaye tiiti, onkhupali otule anrumiyeeyo.”

Yaahaya 20:21

Yinsa khulupa theenya yoori: “Heeri yiiye vamote na mweeyo! Nkhama etthiipo Paapa akirumiyeeyo, na miiyo kinuurumani mweeyo.”

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 11:42

Miiyo kinjuwa yoori weeyo onikisiila wakathi wooshi, ila mwaasa wa khuntti eti ya atthu apa ariivo ti eto, kinlupaaye toowo yoori yo apatthe okhupali yoori weeyo ti okirumiyeeyo.”

Yaahaya 7:29

ila miiyo kininjuwa maana kata khwa ye na ti akirumiyeeyo.”

Yaahaya 5:45

“Khwa etthiipo mwihaakanyere miiyo wuulokovezani mmakhono wa Paapa. Anttelaaye wuulokovezani ti Munsa, othuuto mwiriinaaye nroromelo enu.

Yaahaya 8:42

Yinsa khuwooza yoori: “Eriwaka Nluku aari Papeenu, mweetta okipheta, maana miiyo kalankha wa Nluku tiito kiriiyo apha. Miiyo akijitiiseeni otthome, ila ye ti akirumiyeeyo.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 5:36

Ila miiyo kinaaye oshaahiti nwulweene zayita Yaahaya, mwaasa wa khaazi akinkhiyeeyo Paapa yoori kikhole. Ethiito oshaahiti yoori Paapa ti akirumiyeeyo.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Yaahaya 5:38

theenya khamwina nttakhuzi lawe nroho, maana khamwinkhupaleeni otule amperekhiyeeyo.

Matewuzhu 1:23

“Mwaari onteela wiimittha ampatthe mwaana, anttelaaye wiittheliwa nzina la Emanuweele, enlupaaye yoori ‘Nluku ona fweeyo’.”

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

Luuka 9:56

Aphano khulankha khusala alawa nti nkina.

Yaahaya 3:34

Otule Nluku amperekhiyeeyo onttakhula mattakhuzi a Nluku, maana ye oninkha Rooho Ttakatthiifu woohiphimi.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 8:11

Ye khujipu yoori: “Khina mmote, Mbwana.” Aphano Yinsa khumuuza yoori: “Na miiyo akinuuhukhumu. Olawe na ottharuwe oretta twampi.”

Yaahaya 17:18

Nkhama etthiipo weeyo okirumiyeezo miiyo voolumwenku, na miiyo kawaaruma voolumwenku.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Matewuzhu 18:11

Wekhweele Mwaana wa Pinaatamu ateela wuusuru etile yaashikhiyeeyo.