Yaahaya 21:1 - Hapari Zooshapweya

¹ Paata ya toowo Yinsa khuwaapuwelela anakhiyoni awe opheya nshini wa ntthatta liniitthiwaaye Tiperiyaati. Ti nanna ye aajithonyeziyeeyo:

Yaahaya 21:1 Referans Kwoze

Yaahaya 6:1

Paata ya vitthu epile, Yinsa khulokha pahari ya Kalileya theenya eniitthiwaaye Tiperiyaati.

Yaahaya 6:23

Elottelanaka, kalawa kiina za sitati ya Tiperiyaati khufiya kharipu ya aphale atthu aari orafunaavo phaawu wakathi Mbwana Yinsa ashukhurweliyeevo.

Matewuzhu 28:16

Maaswihaapa apale khumi na mmote khulawa Kalileya, omwaako okhule Yinsa awooziyeewo.

Matewuzhu 28:7

Mwilawe mwawooze anakhiyoni awe yoori Yinsa asisimuwa muufwa na alokoza Kalileya. Mwinttela omoona ottuukho. Mattakhuzi aya pi atthaapa kiwuuziyeenini.”

Matewuzhu 26:32

Ila paata ya osisimuwa waka, kinttela olokoza Kalileya.”

Yaahaya 21:14

Eto yaari swaafu ya ttaatthu Yinsa ajithoonyezaka vakatthi wa anakhiyoni awe, paata ya osisimuwa muufwa.

Maaruku 16:12

Paata ya vitthu epile, Yinsa khujithoonyeza khwa wuuso nkina vakatthi wa anakhiyoni awe awiri alottaka tarikhi ya omashapa.

Maaruku 16:7

Mwilawe mwawooze anakhiyoni awe na Pheeturu yoori: ‘Ye alokoza eettaka Kalileya.’ Ottuukho mweeyo mwinlawa mwamoone, nkhama etthiipo awuuziyeenini.”

Maaruku 16:14

Wiishela waya Yinsa khuwaapuwelela apale khumi na mmote, wakathi aariiyo vameeza, na khuwaashowera mwaasa woohikhupali na wuuma rooho zaya, maana khawaasileziye apale aamoniyeeyo wakathi asisimuwiyeevo.

Khaazi 1:3

Paata ya ohoowa na ofwa, Yinsa aajithoonyeziye wiiya haayi khwa maaswihaapa awe nanna nannazene zoohikheeteyi yoori ori haayi. Khuwaapuwelela khwa siikhu arupayiini awoozaka monkoni wa ofwalume wa Nluku.