Yaahaya 20:17 - Hapari Zooshapweya

¹⁷ Yinsa khulupa yoori: “Ohikikholele, maana nalelo akinarutele wa Paapa. Olawe vakatthi wa attwiizaku wawooze yoori: ‘Miiyo kintta orutela wa Paapa na Papeenu mweeyo, wa Nluku aka na Nluku weenu mweeyo.’ ”

Yaahaya 20:17 Referans Kwoze

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

Akaalata 3:26

Nakataalikha nasaapi eti mooshi mweeyo mwa aana a Nluku khwa amini ya Yinsa Al-Masiihu.

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Othoonyeziwa 21:3

Khusiila huula yookhomaala yaari olankhaaye va khukulu eraka: “Nasaapi heema ttakatthiifu ya Nluku ena anaatamu, ethiito Nluku anttelaaye wiikhalaamo na yo. Anttela wiiya atthu awe, na Nluku mweenyeweene onttela wiiya vamote na yo na onttela wiiya Nluku aya.

2 Akorintiyu 6:18

Miiyo kinttela wiiya Papeenu, na mweeyo mwiniiya aanaaka alume mpakha aakha,” alupa Mbwana Nwahi zooshi.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Matewuzhu 28:7

Mwilawe mwawooze anakhiyoni awe yoori Yinsa asisimuwa muufwa na alokoza Kalileya. Mwinttela omoona ottuukho. Mattakhuzi aya pi atthaapa kiwuuziyeenini.”

Matewuzhu 12:50

Maana otule anrettaaye matakhelo a Paapa ariiye pinkuuni, oto ti ttwiiyaku, nlupwaaka na ti maama.”

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.

Meepereewu 8:10

“Osiilana kinttelaaye oretta na atthu a Ezirayiilu, paata ya siikhu zaya epo pi opu,” Mbwana alupa, “Mwaakhili mwaya kinttela otthaamo kano zaka na kaatikhe nroho mwaya. Miiyo kintta wiiya Nluku aya na yo anttela wiiya atthu aka.

Yaahaya 20:27

Aphano Yinsa khumuuza Tome yoori: “Otthe yaala yawo apha, na woone makhono aka, na wookole nkhono awo ottheele pavu yaka. Ohiiye nanhikhupali, ila wiiye namakhupali.”

Yaahaya 17:5

Na, nasaapi eti, okittitthimise oo Paapa, vamote na weeyo khwa siifwa kaarinaaye na weeyo khapulathi olumwenku ohineeyevo.

Yaahaya 14:28

“Mwasiila eti kilupiyeeyo: ‘Miiyo kintta olawa, ila kinlawa kooruteleni mweeyo.’ Eriwaka mwaari okipheta, mweetta ofurahi mwaasa wa miiyo weetta wa Paapa, maana Paapa akiziti miiyo.

Yaahaya 14:2

Owawe paapa ewaakho puuro zawaatta; eriwaka khayaari ethiito, akaari owuuzani, yoori kinttela otthenkeza puuro yenu.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 13:1

Esaleelaka ofiya siikhu ya Paashikowa, Yinsa aajuwiye yoori wafiya wakathi wa ye olikha olumwenku opu eette wa Paapa, khuwaapheta apale awe aari voolumwenku, awaaphetiye mpakha mwiisho.

Yaahaya 7:33

Yinsa khuwooza yoori: “Kiri vamote na mweeyo wakathi vattitthiiru nawiisha kinlawa wa otule akirumiyeeyo.

Luuka 10:4

Mwihithuule nfukho wala napampa, ama jampali, wala mwiheemele ntarikhi mwichelisa.

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Zaapuura 22:22

Kintukhuru nzina lawo vakatthi wa attwiizaku na kinuusifu vanthukumano wa atthu awo.

Meepereewu 11:16

Ila nasaapi eti, anwejela nti wa fwayita, nti aya opo pinkuuni. Tiito, Nluku khinimpattha haaya wiitthiwa yoori Nluku waya yo, na aattalela sitati yoori owaapwekherele.

Maaruku 12:26

Mweeyo khamwinasome nkithaapu ya Munsa etthu yaatikhiweeyo monkoni wa osisimuwa? Wakathi aari ottakhulaaye va muutthi opule waari okholelaaye, yaatikhiwa yoori Nluku aamuuziye Munsa yoori: ‘Miiyo ki Nluku wa Eburahiima, wa Esiyaakha na wa Yaakhumpa.’