Yaahaya 18:35 - Hapari Zooshapweya

³⁵ Pilaatu khunjipu yoori: “Miiyo ki yaahuuti? Atthu awo na mahaakhimu a tiini ti akitiseeliyeeyo weeyo. Niini orettiyeeyo?”

Yaahaya 18:35 Referans Kwoze

Khaazi 23:29

Khulawa khujuwa yoori ye aari olupatthiwa mwaasa wa kano zaya, ila khaarina paathuli yaari osuhaaye wuuliiwa ama ofukeliwa.

Khaazi 21:38

Khahiyo weeyo mmisuri waaziyeeyo owaatumerela atthu onizukuluwela raku na khuwaathuula anamahusuti alufu nne khuwaalawana n'yaara?”

Khaazi 3:13

Nluku wa Eburahiima wa Esiyaakha na wa Yaakhumpa, Nluku wa amarehemu apapazetthu anttitthimisa karumeya awe Yinsa, othuutule mweeyo mwaawenkhiyeeyo atthu yoori amuule na khunkatthala vakatthi wa Pilaatu, wakathi ye aalakeliyevo onfukula.

Yaahaya 19:11

Yinsa khunjipu yoori: “Weeyo khawaari wiiyana hatha owahi khwa miiyo, eriwaka khawenkhiwe otulu. Tiito otule ootiseliyeeyo Miiyo ona paathuli ya twampi yooziti.”

Yaahaya 19:6

Wakathi amooniyeevo Yinsa mahaakhimu a tiini na anamweekesela, khusala anyakula alupaka yoori: “Akhomeliwe! Akhomeliwe!” Ila Pilaatu khujipu yoori: “Mwinthuule mweeyo ena mwankhomele, miiyo akinimoonana hatha nlattu.”

Yaahaya 18:28

Nawiisha khuthuuliwawo Yinsa wa Kayifwa khulawaniwa nyuupa khuulu ya nsatoro. Yaari supuyeene. Anamalokozela a mayaahuuti khuhivirimo nnyupa mphule, aari otakha yoori ehiwaalawe twahara, yoori awahi onja Paashikowa.

Yaahaya 18:34

Yinsa khujipu yoori: “Mattakhuzi aya apo onikuuzelaaye pa awo, ama atthu akina ti awuuziyeeyo monkoni wa miiyo?”

Yaahaya 18:36

Yinsa khujipu yoori: “Ofwalume aka khayi wa voolumwenku apha! Eriwaka ofwalume aka waari wa voolumwenku apha, akarumeya aka eetta wuumanana mayaahuuti awaakhattazaka okikhola, ila weekhweele ofwalume aka khahiyo wa voolumwenku attaapha.”