Yaahaya 17:6 - Hapari Zooshapweya

⁶ “Kawaathoonyeza nzina lawo apale okinkhiyeeyo voolumwenku. Apo aya aari awo, weeyo khukinkha miiyo, yo anshututela nttakhuzi lawo.

Yaahaya 17:6 Referans Kwoze

Yaahaya 17:26

Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na yo, na miiyo kiiye vamote na yo.”

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Yaahaya 15:19

Eriwaka mweeyo mwaari atthu a voolumwenku, yo aari otuveliwa ti mweeyo mwaasa wa wiiya aya. Nakataalikha mweeyo khahi mwa atthu a olumwenku, ila miiyo koothawulani khulazani vakatthi wa atthu a olumwenku. Tiito atthu a olumwenku aniiphiiriwaaye ti mweeyo.

Othoonyeziwa 3:8

Kinjuwa zooretta zaya. Moone yoori omaasho weenu katthaawo nlako woofukuwa, na khina anwahaaye ofuka. Kinjuwa yoori mweeyo mwinaaye kuvu vattitthiiru, ila mwathokorela nttakhuzi laka na khamwikatthaleeni nzina laka.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Yaahaya 15:7

Ila amana mwijilipisana miiyo na mattakhuzi aka khwiiya na mweeyo, mwiveke wakhula etile mwintakhaaye mwintta winkhiwa.

Zaapuura 22:22

Kintukhuru nzina lawo vakatthi wa attwiizaku na kinuusifu vanthukumano wa atthu awo.

Olaawo 9:16

Ila miiyo kinuulikha weeyo ori haayi yoori kithoonyeze owahi waka, yoori nzina laka lilaleyiwe olumwenku wooshi.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Meepereewu 2:12

Ye alupa yoori: “Kinteela olaleya nzina lawo vakatthi wa attwiizaku; kiwiipele siifwa vanthukumano.”

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Arooma 11:2

Nluku khawaakatthaleeni atthu awe, apale thanku raku awathawuliyeeyo. Ama khamwinjuwa Zawaatikhiwa Ttakatthiifu alupiyeeyo Aliyaasi khwa nanna aari onkhuwelaazo Nluku monkoni wa Ezirayiilu?

Khaazi 13:48

Asiiliyeevo atthu, amalapo khwiiya ofurahi khuttottopela nttakhuzi la Mbwana, ooshi aathawuleliweeyo ohaayi wa mileele khukhupalela.

Yaahaya 18:9

Yinsa aalupiye toowo yoori eretteye etile aalupiyeeyo rakuzeene yoori: “Paapa, ooshi apale okinkhiyeeyo khakaashikheeni hatha mmote.”

Yaahaya 17:16

Yo khahi a voolumwenku nkhama etthiipo miiyo kihiiyeeni.

Yaahaya 17:14

Miiyo kawinkha nttakhuzi lawo, atthu a voolumwenku khwiiphiiriwa ti yo, maana yo khahiyo a voolumwenku, nkhama etthiipi miiyo kihiiyeeni.

Yaahaya 15:3

Mweeyo mwattakatthisiwa ti nttakhuzi kiwuuziyeenini.

Yaahaya 12:28

Paapa osifu nzina lawo!” Aphano khuta huula yoolankha pinkuuni yaari olupaaye yoori: “Koosifu na kinteela wuusifu opheya.”

Yaahaya 6:39

Matakhelo a otule akirumiyeeyo pi apa: ahikaashikhe hatha mmote wa otule akinkhiyeeyo, ila miiyo kinsisimule siikhu ya mwiisho.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

1 Pheeturu 1:1

Miiyo Pheeturu, aswihaapa wa Yinsa Al-Masiihu, kiniwaatikhela warakha eti ananthawuliwa a Nluku amwazeyeliyeeyo nti wa Pontu, Kalaasiya, Kapatosiya, Aaziya na Bitiiniya,

Yaahaya 8:51

Miiyo kiniwuuzani khweele yoori, otule anshututelaaye nttakhuzi laka khanteela woona ofwa.”

Yaahaya 8:52

Mayaahuuti khujipu araka: “Aphano ninjuwa yoori khweele onaaye sheethwani! Eburahiima afwa, na manapiyu, ila weeyo onlupa yoori: ‘Ntthu amana ashututela nttakhuzi aka khanteela ofwa.’

Yaahaya 17:7

Aphano yo anjuwa yoori vitthu zooshi okinkhiyeeyo zinlankha khwa weeyo.

Yaahaya 17:12

Wakathi kaari vamote na yo voolumwenku, miiyo kaaweenaneliye na khuwaathokorela khwa owahi wa nzina lawo, nzina nttinttho okinkhiyeeyo. Kaaweenaneliye na khuhiivo mmote aashikhiyeeyo, woohiiyi otule atthomeliweeyo waashikha yoori epile zilupiyeezo Zawaatikhiwa Ttakatthiifu zirettikhane.

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.