Yaahaya 17:25 - Hapari Zooshapweya

²⁵ “Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 17:25 Referans Kwoze

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 15:21

Zooshi epo anlawa ooretteleni mweeyo, mwaasa wa nzina laka, maana khaninjuwa otule akirumiyeeyo.

Yaahaya 7:29

ila miiyo kininjuwa maana kata khwa ye na ti akirumiyeeyo.”

Yaahaya 16:27

maana Paapa mweenyeweene onuuphetani, mweeyo mwinikipheta na mwinkhupalela yoori miiyo kalankha wa Nluku.

Meepereewu 8:11

Khaavo theenya anttelaaye onsomisa namwaattamanani awe wala ttwiiye, araka: ‘Onjuwe Mbwana,’ maana yo ooshi anteela okijuwa, waaza nttitthiiru mpakha nwulweene.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Yaahaya 10:15

etthiipo Paapa anikijuwaaye na miiyo kininjuwa Paapa; na kininkha ohaayi aka pwittipwitthi zaka.

Yaahaya 8:55

Mweeyo khamwininjuwa, ila miiyo kininjuwa. Eriwaka keettiye olupa yoori akininjuwa, kaari wiiya namahata nkhama mweeyo, ila miiyo weekhweele kininjuwa na kinshututela nttakhuzi lawe.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

1 Yaahaya 1:9

ila amana nitukhuru twampi zeetthu, Nluku tu wawaamineya na wa shariya, ontta oniswaamihi twampi zeetthu na aswafi zooshi zohiiyi za shariya.

2 Atizaloonika 1:8

Ye onteela owaahukhumu apale ahininjuwaaye Nluku na apale ahinshututelaaye hapari zooshapweya za Mbwana eetthu Yinsa.

1 Akorintiyu 15:34

Nkhama anashariya, mwiikhale mwentto wooshapweya na mwilikhe twampi; maana akina nalelo khananjuwe Nluku; kinlupa epo zaya khwa haaya yenu mweeyo.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

Arooma 3:26

ila nasaapi eti, aretta epo yoori athoonyeze shariya yawe, mwaasa wa wiiya nashariya na namahakikhi wa apale ariina amini khwa Yinsa.

Arooma 3:11

Khaavo hatha mmote enimweleyaaye etile yiiyiyeeyo ya shariya; khina animweekesaaye Nluku.

Arooma 1:28

Olikha toowo, moone yoori atarawu ojuwa wa Nluku, ye awaalikhela akhili zaya zoovonyeya, yoori arette vitthu zihinrettiwaazo.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Khaazi 17:23

Kazukulela sitati eti yooshi, wakhula vahali khusala kisikana vitthu mwinaaputwaazo hatha kansikana alitaari aatikhiweeyo yoori: nluku woohijuwiwi. Othuuto, mwinimwaaputwaaye mwihinjuwaka, ti othuuto kininlupaaye miiyo kiwuuzakani.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Yaahaya 17:18

Nkhama etthiipo weeyo okirumiyeezo miiyo voolumwenku, na miiyo kawaaruma voolumwenku.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 16:30

Nasaapi eti enneleya yoori onjuwa vitthu zooshi khinihithajiya opuwa ntthu owuuzela, khwa etthiipo nakhupali yoori weeyo walankha wa Nluku.”

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 8:19

Aphano khumuuzela yoori: “Papaawo aya ori vayi?” Yinsa khuwaajipu yoori: “Mweeyo khamwinikijuwa miiyo na khamwininjuwa Paapa, eriwaka mwaari okijuwa, mweetta onjuwa Paapa.”

Yaahaya 6:19

Anakhiyoni eettaka ofuttha alawaka etthiipile eettettiye kiyasi ya phiima alufu thaanu ama sitha, khusala amoona Yinsa eettaka ota eettettaka vatulu wa maati aattamelaka kalawa; yo khwiiya awoova.

Yaahaya 3:17

Nluku amperekha Mwanawe voolumwenku, khahiyo yoori ahukhumu olumwenku, ila yoori olumwenku wuusurukhe khwa ye.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Othoonyeziwa 16:5

Aphano khusiila nlayikha liriina ofwalume monkoni wa maati liraka: “Weeyo o shariya, weeyo, o Ttakatthiifu, oriivo na waariivo, maana waphuka vitthu zaya epo.