Yaahaya 17:13 - Hapari Zooshapweya

¹³ “Ila nasaapi eti kintta okho oriiwo weeyo, kinlupa mattakhuzi apo nalelo kiri voolumwenku, yoori yo eeyane furaha yaka yookamilikha.

Yaahaya 17:13 Referans Kwoze

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Yaahaya 15:11

Kaawuziyeni vitthu epi yoori furaha yaka yiiye khwa mweeyo, na yoori furaha yenu ekamilikhe.

Yaahaya 3:29

Namaposiwa ti wa namaposa. Swaahipu aninrumeyelaaye namaposa oninjali na onsiileza oniiya woofurahi amana asiila huula ya namaposa. Eto furaha yaka yookamilikha.

1 Yaahaya 1:4

Nawaatikhelani vitthu epi yoori fweeyo niiyane furaha khaamili.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

2 Yaahaya 1:12

Kinaaye vitthu zawaatta za owaatikhelani, ila khahiyo niiya yaka waatikha warakha na wiino. Woohiiyi toowo kinaakhipwela oteela wuuthotolani na ottakhulana mweeyo wuuso khwa wuuso, yoori furaha yeetthu yiiye yookamilikha.

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Khaazi 13:52

Anakhiyoni aari ovira eetaalaka furaha na Rooho Ttakatthiifu.

Yaahaya 7:33

Yinsa khuwooza yoori: “Kiri vamote na mweeyo wakathi vattitthiiru nawiisha kinlawa wa otule akirumiyeeyo.

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.