Yaahaya 16:33 - Hapari Zooshapweya

³³ “Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Yaahaya 16:33 Referans Kwoze

Yaahaya 14:27

Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.

2 Atizaloonika 3:16

Yoori Mbwana mweenyewe heeri, awinkheni heeri mweeyo khwa wakathi wooshi na wakhula nanna. Mbwana eeye vamote na mooshi mweeyo.

1 Yaahaya 4:4

Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

Afiliipu 4:7

Na heeri ya Nluku, enzitaaye weeleyiwa wooshi, enthokorela rooho na akhili zenu mweeyo, khwa Al-Masiihu Yinsa.

1 Pheeturu 5:9

Muumanane na mwilipalipe nkatthi wa amini, mwijuwaka yoori attwi enkeene mwiriina olumwenku wooshi na yo anhoowa etthiipo.

Yaahaya 14:1

“Mwihihankayikhise rooho zenu. Mwinkhupali Nluku, na theenya mwikikhupali miiyo.

2 Timootiyu 3:12

Weekhweele apale antakhaaye wiikhala wa emaani khwa Yinsa Al-Masiihu aniiya oolupatthiwa.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Meepereewu 11:25

Ye aahithariye ohoochiwa vamote na atthu a Nluku woohiiyi opuhela vitthu za twampi khwa wakathi vattitthiiru.

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.

1 Atizaloonika 3:7

Tiito attwiizetthu, mattakhuzi apa monkoni wa amini yenu aretteya wiiya nlipiselo nwulweene khwa tafwawuthi na ohoowa weetthu.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

Akoloosu 1:20

na khwa ye ajisiilanisana vitthu zooshi, waaza epi ziriiye vathi mpakha epi ziriiye pinkuuni, atthaakavo heeri khwa taamu yawe etile yiittikhiyeeyo vansalapa.

2 Akorintiyu 1:3

Attitthimisiwe Nluku na Paapa wa Mbwana eetthu Yinsa Al-Masiihu, Paapa wa tthakaraka na Nluku wa ozuru wooshi,

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

1 Atizaloonika 3:4

Wakathi naari na mweeyo, naawuziyeeni yoori ninteela olupatthiwa, na khweele zarettikhana nkhama mweeyo mwinjuwaazo.

Akaalata 6:14

Ila miiyo kinteela ojitayitela nsalapa wa Mbwana eetthu Yinsa Al-Masiihu paasi, maana, khwa nsalapa, olumwenku wakifwela miiyo na miiyo kafwela olumwenku.

2 Akorintiyu 7:4

Kinaaye nroromelo nwulweene khwa mweeyo, na kinjishashawula saaneene khwa mweeyo; kiwoolipiseleya venkivene; furaha yaka eniittikha khwa miswipa zooshi.

Khaazi 27:25

Khwa ethiito mwiminyale mamwinyi. Kininkhupali Nluku yoori zinteela orettikhana zooshi maana akuuza.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Luuka 2:14

“Asifwiwe Nluku otulu, na vathi apha heeri yiiye vamote na atthu ooshi awaatakheliyeeyo osaana.”

Khaazi 27:22

Ila apha kiniwuuzani yoori mwiminyale, khina mmote wa mweeyo anttelaaye opwetheya, pankaya ti anttelaaye opwecheya.

Luuka 19:38

araka: “Aparikhiyiwe mfwalume antaaye khwa nzina la Mbwana. Yiiyewo heeri pinkuuni na siifwa otulu.”

Khaazi 23:11

Osikhu wa phiiri Mbwana khumpuwelela Paawulu khumuuza yoori: “Ominyale, nkhama etthiipo waalaweliyeezo oshaahiti monkoni wa miiyo Yeruzaleemu, ona ya olawela theenya Rooma.”

Meepereewu 7:2

Othuuto theenya Eburahiima amwinkhiyeeyo lifunku la khuumi la zooshi. Yamwanzo nzina lawe lina maana a “mfwalume wa shariya” ya phiiri “mfwalume wa Salemu,” enlupaaye yoori “mfwalume wa heeri.”

Yaahaya 16:11

khwa ophuka, maana mfwalume wa voolumwenku apha aphukiwa.

Matewuzhu 9:2

Atthu akina khuntiisa nasupiyaani attattikheliwe va nrepa. Wakathi ooniyeevo amini ya atthu apale antiisiyeeyo, khumuuza nasupiyaani otule yoori: “Ofurahi mwanaka! Twampi zawo zaswaamihiwa.”

2 Akorintiyu 2:14

Attitthimisiwe Nluku, anneettettisaaye wakhula siikhu wooshinttavo khwa Al-Masiihu, othuuto khwa fweeyo amwazela puuro zooshi na arufu ya ojuwa wawe.

2 Akorintiyu 4:7

Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

1 Yaahaya 2:13

Apaapa, miiyo kiniwaatikhelani mweeyo, maana mwininjuwa otule ariivo thanku omwanzweene. Mashaapu, kiniwaatikhelani mweeyo, maana mwanshintta ntakhali.