Yaahaya 16:16 - Hapari Zooshapweya

¹⁶ “Khwa wakathi vattitthiiru khamwinteela okoona, ila khwa wakathi vattitthiiru theenya mwinteela okoona opheya.”

Yaahaya 16:16 Referans Kwoze

Yaahaya 7:33

Yinsa khuwooza yoori: “Kiri vamote na mweeyo wakathi vattitthiiru nawiisha kinlawa wa otule akirumiyeeyo.

Khaazi 1:3

Paata ya ohoowa na ofwa, Yinsa aajithoonyeziye wiiya haayi khwa maaswihaapa awe nanna nannazene zoohikheeteyi yoori ori haayi. Khuwaapuwelela khwa siikhu arupayiini awoozaka monkoni wa ofwalume wa Nluku.

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

Yaahaya 16:22

Zinrettikhana etthiipo khwa mweeyo: opu wakathi wa huzuni khwa mweeyo. Ila miiyo kinteela owoonani swaafu kiina theenya, na mwinteela ofurahi, na furaha eto khaavo anttelaaye wuulazani.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 16:5

Ila enasaapi eti kineetta wa otule akirumiyeeyo, khaavo mmote anikuuzelaaye yoori: ‘Oneetta vayi?’

Yaahaya 13:33

“Aanaaka, nalelo khwa wakathi vattitthiiru kiri vamote na mweeyo. Mweeyo mwinlawa mwakeekese, ila miiyo kiniwuuzani nkhama kiwooziyeezo mayaahuuti yoori: ohali kineettaawo mweeyo khamwinwahi ofiyawo. Na mweeyo enasaapi eti kiniwuuzani etthiipo.

Yaahaya 12:35

Aphano Yinsa khuwooza yoori: “Nuuru eri vamote na mweeyo khwa wakathi vattitthiiru. Mweettette wakathi otthuupu mwiriinaavo nuuru, yoori yiiza ehuusikaneni, maana ntthu aneettettaaye n'yiiza khanjuwa ohali aneettaawo.

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Yaahaya 17:13

“Ila nasaapi eti kintta okho oriiwo weeyo, kinlupa mattakhuzi apo nalelo kiri voolumwenku, yoori yo eeyane furaha yaka yookamilikha.

Yaahaya 17:5

Na, nasaapi eti, okittitthimise oo Paapa, vamote na weeyo khwa siifwa kaarinaaye na weeyo khapulathi olumwenku ohineeyevo.

Yaahaya 16:10

khwa shariya, maana kineetta wa Paapa, khamwinteela okoona theenya;