Yaahaya 16:13 - Hapari Zooshapweya

¹³ Ila amana Rooho ya haakhi eta, ye enttela wuusomisani khweele yooshi mweeyo. Ye kinteela ojilupa, ila enttela olupa zooshi esiiliyeeyo na owuuzani mweeyo vitthu zinttelaaye orettikhana.

Yaahaya 16:13 Referans Kwoze

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 14:17

Rooho ya haakhi, atthu a voolumwenku ahinttelaaye opokhera, maana, khanteela woona na wala khanjuwa. Ila mweeyo mwinjuwa, maana Yo eniikhala nkatthi mweenu na enttela wiiya na mweeyo.

Yaahaya 15:26

“Ila, amana ata Namalipisela, otule kinttelaaye wuuperekhezani woolankha phantte ya Paapa, Rooho ya ookhweele ya olankha wa Paapa, ye onttela olaza oshaahiti monkoni wa miiyo.

1 Yaahaya 2:27

Ila othawaziwa opu mweeyo mwipwekheriyeeyo khwa ye olipe khwa mweeyo, na khamwinihithajiya osomisiwa ti hatha ntthu. Othawaza wawe wiiyiyeeyo haakhi na woohivonyeyi onuusomisani vitthu zooshi, tiito, mwilipane otthuupo nkhama etthiipo ye oosomisiyeenini.

1 Yaahaya 2:20

Ila mweeyo mwapokhera othawaziwa onlankhaaye khwa Rooho Ttakatthiifu na mooshi mweeyo mwinjuwa.

Yaahaya 12:49

Akinjilupa miiyo, ila Paapa otu akirumiyeeyo ti akirumiyeeyo etthu yoolupa na olaleya.

1 Yaahaya 4:6

Fweeyo ninlankha wa Nluku, otule aninjuwaaye Nluku onnisiileza. Otule ahinlankhaaye wa Nluku khannisiila. Khwa etthiipo ninjuwa Rooho ya haakhi na rooho yoovonya.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Othoonyeziwa 1:19

“Nakataalikha waatikhe vitthu wooniyeeyo, waaza nasaapi na epile zinttelaaye orettikhana.

Yaahaya 8:38

Miiyo kiniwuuzani epile kooniyeezo wa Paapa, na mweeyo mwinretta epile mwisiiliyeezo wa papeenu.”

2 Atizaloonika 2:3

Mwihinlikhe ntthu wuuttettekhani hatha vattitthiiru. Ehinafiye siikhu yaya eto, onlawa weeyevo okhijili, aphano phi anttelaaye othoonyeziwa ntthu wa twampi, mwaana wa opwetheya.

Othoonyeziwa 1:1

Othoonyeza wa Yinsa Al-Masiihu, Nluku amwinkhiyeeyo yoori awaathoonyeze akarumeya awe vitthu zaariina ya orettikhana woohirupazi. Ye aperekha nlayikha lawe yoori linthoonyeze karumeya awe Yaahaya vitthu zaya epo,

2 Atizaloonika 2:12

na eeye oophukiwa ooshi apale ahikhupaleleeni haakhi, ila aariina tuvela zohiiyi za shariya.

Khaazi 27:24

khukuuza yoori: ‘Paawulu! Ohoove! Enuuhithajiya weeyo olawa weemela okutthanane Seezari. Nluku na rehema yawe awinkha ohaayi na ooshi apale onlokhanaaye.’

Khaazi 20:23

Ila kinjuwa yoori Rooho Ttakatthiifu wakhula sitati kineettaaye ye enikuuza yoori oniweekesa ohoowa na weetta nkalapooso.

Yaahaya 3:32

Ye ahakikhi epile oniyeezo na asiiliyeezo ila khina ankhupalelaaye oshaahiti awe.

Khaazi 11:28

Mmote wa yo aari wiitthiwaaye Akaapu, khulankha khwa Rooho Ttakatthiifu khulupa yoori enteela opuwelela jala olumwenku wooshi, ethiito yaarettikhaniye wakathi wa Seezari Kalaawutiyu ari mfwalume nwulu.

Yaahaya 16:12

“Kinaaye nalelo vitthu zawaatta za owuuzani, ila nasaapi eti mweeyo khamwinteela ovilela.

Meepereewu 1:1

Raku Nluku attakhula swaafu zawaatta khwa nanna zene vakatthi wa apaapa zeetthu khwa manapiyu.

1 Yaahaya 5:6

Otu ti otule atiiyeeyo khwa maati na taamu, Yinsa Al-Masiihu. Ye khateeni na maati paasi, ila khwa maati na taamu. Na Rooho Ttakatthiifu shaahiti yoori vitthu zaya epo haakhi maana Rooho Ttakatthiifu ti ya haakhi.