Yaahaya 16:11 - Hapari Zooshapweya

¹¹ khwa ophuka, maana mfwalume wa voolumwenku apha aphukiwa.

Yaahaya 16:11 Referans Kwoze

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Akoloosu 2:15

na paata ya oshintta owahi na ofwalume, khuretta nsapo vamwanttiwa, ashinttaka khwa epo zaya vansalapa.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

2 Pheeturu 3:7

Khwa nttakhuzi nttinttho pinku na vathi eriivo nasaapi eti zathokoreleliwa moottho, zapwehiwa yoori efiye siikhu ya ophukiwa na otapanyiwa wa makaafiri.

Meepereewu 9:27

Wakhula ntthu ona ya ofwa swaafu moote paasi, nawiisha khusala alawa ophukiwa.

Meepereewu 6:2

Mweeyo khamwinihithajiya theenya masomi a njampo la woosa na ottheeliwa makhono, osisimuwa wa ananfwa na ophukiwa wa mileele.

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

Khaazi 10:42

Ye ti anirumiyeeyo yoori niwaatafusirele atthu na nilawele oshaahiti, yoori othuuto Nluku amwinkha wiiya namaphuka wa apale ariiye haayi mpakha apale afwiiyeeyo.

Luuka 10:18

Yinsa khuwaajipu yoori: “Miiyo kamoona epiliisi akwaka pinkuuni nkhama ozerima.

Matewuzhu 12:36

Ila miiyo kiniwuuzani yoori, siikhu ya ophukiwa, atthu anlawa arettiwe hisapu mwaasa wa mattakhuzi ooshi ohiina fwayita aari olupakaaye.

Matewuzhu 12:18

“Otu ari apha karumeya aka, kinthawuliyeeyo, mphetani aka, anfurahisaaye Rooho yaka, kanpwehela nafusi yaka, ye onteela olaleya ophukiwa wa atthu ooshi.

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

Arooma 2:16

Zooshi epo zinttela wooneya siikhu Nluku amphukaavo siiri za anaatamu, khwa Yinsa Al-Masiihu, nkhama etthiipo enlupaazo hapari zaka zooshapweya.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Khaazi 24:25

Ila wakathi Paawulu aaziyeevo ottakhula monkoni wa ohaayi wa shariya, ojishintta omwenyeweru na siikhu ya ophukiwa, Feelishi khwiiya wawoova na khuri: “Paasi! Saruwa, amana kuutakha kintta wuukhuwela theenya.”

Yaahaya 16:12

“Kinaaye nalelo vitthu zawaatta za owuuzani, ila nasaapi eti mweeyo khamwinteela ovilela.