Yaahaya 15:15 - Hapari Zooshapweya

¹⁵ Akiniwiitthani theenya akarumeya, maana karumeya khanjuwa niini anrettaaye Mbwana awe. Nakataalikha, miiyo kiniwiitthani yoori maswaahipu zaka, maana zooshi epile kinsiliyeeyo Paapa koojuwisani.

Yaahaya 15:15 Referans Kwoze

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Tiyaaku 2:23

Khwa etthiipo khurettikhana epile zilupiyeeyo Zawaatikhiwa Ttakatthiifu yoori: “Eburahiima ankhupaliye Nluku ethiito Nluku khunkhupalela nkhama nashariya” na khutthajiwa swaahipu wa Nluku.

Akoloosu 1:26

siiri etthiipo zaari zoovitheya raku na khwa khapila, ila aphano athoonyeziwa attakatthiifu awe.

Othoonyeziwa 1:1

Othoonyeza wa Yinsa Al-Masiihu, Nluku amwinkhiyeeyo yoori awaathoonyeze akarumeya awe vitthu zaariina ya orettikhana woohirupazi. Ye aperekha nlayikha lawe yoori linthoonyeze karumeya awe Yaahaya vitthu zaya epo,

Ayeefezu 3:5

Khaazi yaya eto khenkhiwe ojuwa atthu a raku, ila leelo eti maaswihaapa ttakatthiifu na manapiyu awe athoonyeziwa ti Rooho Ttakatthiifu.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Yaahaya 20:17

Yinsa khulupa yoori: “Ohikikholele, maana nalelo akinarutele wa Paapa. Olawe vakatthi wa attwiizaku wawooze yoori: ‘Miiyo kintta orutela wa Paapa na Papeenu mweeyo, wa Nluku aka na Nluku weenu mweeyo.’ ”

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Akaalata 4:6

Na mwaasa wa mweeyo wiiya aana a Nluku, ye aperekha varoho venu Rooho ya Mwanawe, enkhuwaaye eraka: “Aba, enraaye Paapa!”

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 8:26

Kinaaye vitthu zawaatta zoolupa na ophuka monkoni wa mweeyo. Ila otule akirumiyeeyo ti wa khweele na kinuuza olumwenku epile kinsiliyeeyo paasi.”

1 Pheeturu 1:11

eekesaka ojuwa wakathi na vitthu zinttelaaye orettikhana etthiipo zaari othoonyaaye Rooho ya Al-Masiihu, etile yaari khwa yo, ewenkhaka ohupiri monkoni wa ohoowa wa Al-Masiihu na siifwa zaari weettelaaye olottela ohoowa opule.

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

Filimooni 1:16

woohiiyi theenya nkhama mwiitthwaana, ila wonziti mwiitthwaana, ila ozitisa omwiitthwaana, nkhama ttwiiyaku wompheta. Khwa miiyo ye ti ttwiiyaku wompheta, na theenya woozitivo khwa weeyo, waaza ontthu awe mpakha onamalottela wawe wa Mbwana.

Yaahaya 17:26

Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na yo, na miiyo kiiye vamote na yo.”

Yaahaya 15:20

Mwifikhiri mattakhuzi kiwuuziyeenini yoori: ‘Khaavo karumeya anzitiyeeyo Mbwana awe.’ Nkhama akilupatthiyeezo miiyo, na anlawa oolupattheni mweeyo theenya. Nkhama anshututela mattakhuzi aka, theenya anlawa ashututele apale mwinttelaaye olupa mweeyo.

Yaahaya 13:16

Miiyo kiniwuuzani khweele yoori, khaavo karumeya wonziti Mbwana awe, nkhama etthiipo nanhupi khaninziti otule anrumiyeeyo.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Khaazi 20:27

Maana miiyo akilikheleleeni oweelezani niiya ya Nluku yooshi.

Yaahaya 4:19

Muukha otule khuri: “Mbwana, kiniwoona yoori o napiyu.

Luuka 10:23

Paata ya toole, khuwaakhuwela anakhiyoni othetekele khuwooza yoori: “Ooparikhiyiwa pi apale anoonaaye epi mwinoonaazo.

Yaahaya 16:12

“Kinaaye nalelo vitthu zawaatta za owuuzani, ila nasaapi eti mweeyo khamwinteela ovilela.

Arooma 7:15

Miiyo khinikeeleya etthu kinrettaaye, maana akinretta etile kintakhaaye, ila etile kihintakhaaye.

1 Akorintiyu 2:16

“Paani anjuwaaye shawuri za Mbwana, paani ariina makhaamu a onnozela?” Ila fweeyo ninaaye shawuri za Al-Masiihu.