Yaahaya 14:27 - Hapari Zooshapweya

²⁷ Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

Yaahaya 14:27 Referans Kwoze

Afiliipu 4:7

Na heeri ya Nluku, enzitaaye weeleyiwa wooshi, enthokorela rooho na akhili zenu mweeyo, khwa Al-Masiihu Yinsa.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

2 Atizaloonika 3:16

Yoori Mbwana mweenyewe heeri, awinkheni heeri mweeyo khwa wakathi wooshi na wakhula nanna. Mbwana eeye vamote na mooshi mweeyo.

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

2 Timootiyu 1:7

Maana Nluku khaninkheeni rooho ya woova, ila ya owahi, ya pheta na yoolipalipa.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

Akaalata 1:3

Rehema na heeri ya phantte ya Nluku Papeetthu na ya Mbwana Yinsa Al-Masiihu, yiiye vamote na mweeyo,

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

Yaahaya 14:1

“Mwihihankayikhise rooho zenu. Mwinkhupali Nluku, na theenya mwikikhupali miiyo.

Arooma 5:10

Maana wakathi naari maatuwi a Nluku nawahi osiilana na ye khwa ofwa wa mwanawe, khutepa nasaapi eti nisiilananiyeevo ye, ninteela wuusurukha mwaasa wa ohaayi awe.

Yaahaya 20:21

Yinsa khulupa theenya yoori: “Heeri yiiye vamote na mweeyo! Nkhama etthiipo Paapa akirumiyeeyo, na miiyo kinuurumani mweeyo.”

Akoloosu 1:20

na khwa ye ajisiilanisana vitthu zooshi, waaza epi ziriiye vathi mpakha epi ziriiye pinkuuni, atthaakavo heeri khwa taamu yawe etile yiittikhiyeeyo vansalapa.

Arooma 1:7

Kiniwaatikhela atthu ooshi ariiye Rooma eeyiyeeyo aphetani a Nluku na akhuweliweeyo yoori eeye attakatthiifu: Rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

1 Akorintiyu 1:3

Rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

Yaahaya 20:19

Jumwa phiili njuwa looveva, anakhiyoni akusanyeyiye milako ziri zoofukiwa, mwaasa wa owoova mayaahuuti, Yinsa khuvira khweemela vakatthi vaya khuri: “Heeri yiiye vamote na mweeyo!”

2 Atizaloonika 1:2

Rehema na heeri ya phantte ya Nluku Papeetthu, na Mbwana Yinsa Al-Masiihu yiiye vamote na mweeyo.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Luuka 2:14

“Asifwiwe Nluku otulu, na vathi apha heeri yiiye vamote na atthu ooshi awaatakheliyeeyo osaana.”

Luuka 1:79

ewaamwasikhele apale ari n'yiiza na vamwiivuuli woofwa, yoori eneettettise ntarikhi ya heeri.”

Meepereewu 13:20

Nluku wa heeri, otule ansisimuliyeeyo Mbwana eetthu Yinsa Nshuki nwulu wa pwittipwitthi, vakatthi wa ananfwa, khwa taamu ya osiilana wa mileele,

Khaazi 18:9

Osikhu mmote Mbwana khumuuza Paawulu nkatthi wa jozi yoori: “Ohoove; orutele otafusiri na wala ohinyamale.

Matewuzhu 10:26

“Nakataalikha mwihiwoove apo aya. Maana khayiivo yoovithiwa ehinteelaaye othoonyeziwa wala ya siiri ehinteelaaye ojuwiwa.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Othoonyeziwa 1:4

Miiyo Yaahaya kaatikhela warakha eti ojama sapa wa Nluku oriiye Aaziya: Khwa mweeyo, rehema na heeri yoolankha khwa phantte ya otule ariivo, aariivo na otule anttelaaye ota, khwa rooho sapa ziriiye omaasho wa khukulu ya Nluku,

Meepereewu 7:2

Othuuto theenya Eburahiima amwinkhiyeeyo lifunku la khuumi la zooshi. Yamwanzo nzina lawe lina maana a “mfwalume wa shariya” ya phiiri “mfwalume wa Salemu,” enlupaaye yoori “mfwalume wa heeri.”

Yaahaya 20:26

Paata ya ovira siikhu naane anakhiyoni awe khurutela okusanyeya nttumphule theenya na Tome aarivo. Milako ziri zoofukiwa, Yinsa khuta khweemela vakatthi vaya khuri: “Heeri yiiye vamote na mweeyo!”

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Akaalata 6:16

Heeri na tthakaraka ti yiiye na apale aneettettelaaye mwentto otthuupo, theenya khwa Ezirayiilu ya Nluku.

Luuka 10:5

“Wakhula nyuupa mwinfiyaaye, mwilupe khapula yoori: ‘Heeri yiiye vamote na mweeyo vaje apha.’

Akoloosu 1:2

attakatthiifu na attwi awaamineya khwa Al-Masiihu aniikhalaaye Koloosu: Rehema na heeri ya phantte ya Nluku Papeetthu, yiiye vamote na mweeyo.

Luuka 12:4

“Miiyo kiniwuuzani ashirikha yoori: mwihiwoove apale anuulaaye mwiili, nawiisha khuhiretteli hatha etthu.