25 “Kaari olupaka zooshi epo nalelo niri vamote.
“Kinaaza nasaapi ethiiti owuuzani ehinarettikhane, yoori amana erettikhanaka mweeyo mwikhupali yoori Miiyo Ti Miiyo.
“Kinaaye nalelo vitthu zawaatta za owuuzani, ila nasaapi eti mweeyo khamwinteela ovilela.
Kaawuziyeni vitthu epi yoori furaha yaka yiiye khwa mweeyo, na yoori furaha yenu ekamilikhe.
Kiniwuuzani nasaapi eti zihinarettikhane, yoori wakathi zinttelaavo orettikhana, mweeyo mwikhupalele.
Otule ahinikiphetaaye khanshututela mattakhuzi aka. Na nttakhuzi mwinsiilaaye khahiyo laka, ila tthi la Paapa otule akirumiyeeyo.
Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.
