Yaahaya 14:16 - Hapari Zooshapweya

¹⁶ Miiyo kinttela onvekela Paapa yoori awinkheni Namalipisela nkina, yoori eeye vamote na mweeyo khwa mileele,

Yaahaya 14:16 Referans Kwoze

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 15:26

“Ila, amana ata Namalipisela, otule kinttelaaye wuuperekhezani woolankha phantte ya Paapa, Rooho ya ookhweele ya olankha wa Paapa, ye onttela olaza oshaahiti monkoni wa miiyo.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

1 Yaahaya 2:1

Aanaaka, mattakhuzi apa kiniwaatikhelani mweeyo yoori mwihisala mwiretta twampi. Ila ntthu arettaru twampi, ninaaye namwaakisa mmakhono wa Paapa, Yinsa Al-Masiihu nashariya.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Afiliipu 2:1

Nkhama niri vamote na Al-Masiihu na fweeyo ninaaye olipiseliwa, na otumereliwa wa pheta, na osiilana wa Rooho, na mahapa a huruma,

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

Khaazi 13:52

Anakhiyoni aari ovira eetaalaka furaha na Rooho Ttakatthiifu.

Yaahaya 17:15

Akinuuvekela yoori owaalazevo voolumwenku, ila oweenanele khwa ntakhali.

Yaahaya 14:18

“Miiyo akinuulikhani mwiri anasisa, kinlawa kooruteleni.

Meepereewu 7:25

Tiito, ye onaaye owahi mileele wa owoosuru apale animwaattamaaye Nluku khwa ye, maana meekhazi awe ooshi aniiya a owaavekelela yo.

Arooma 8:34

Namahukhumu ti paani? Ti Yinsa otule afwiiyeeyo, na theenya khusisimuwa opheya ori nkhono nlume wa Nluku, na onnivekelela fweeyo.

Yaahaya 14:14

Wakhula etile mwinvekaaye khwa nzina laka kintta oretta.

Yaahaya 17:20

“Akiniwaavekelela apa ottho paasi, ila na apale anteelaaye okikhupali miiyo khwa nttakhuzi laya yo,

Yaahaya 16:22

Zinrettikhana etthiipo khwa mweeyo: opu wakathi wa huzuni khwa mweeyo. Ila miiyo kinteela owoonani swaafu kiina theenya, na mwinteela ofurahi, na furaha eto khaavo anttelaaye wuulazani.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

Yaahaya 7:39

Ye aari olupa monkoni wa Rooho Ttakatthiifu etile aari oteelaaye winkhiwa apale akhupaliyeeyo. Maana nalelo Yinsa aari ahinasifwiwe.

Khaazi 1:4

Siikhu moote eettaka oja na yo, Yinsa khuwaaruma yoori: “Mwihileewo Yeruzaleemu, mwiwejele etile Paapa ahitiyeeyo, ethiito miiyo kiwuuziyeenini mweeyo.

1 Yaahaya 2:27

Ila othawaziwa opu mweeyo mwipwekheriyeeyo khwa ye olipe khwa mweeyo, na khamwinihithajiya osomisiwa ti hatha ntthu. Othawaza wawe wiiyiyeeyo haakhi na woohivonyeyi onuusomisani vitthu zooshi, tiito, mwilipane otthuupo nkhama etthiipo ye oosomisiyeenini.

2 Yaahaya 1:2

mwaasa wa haakhi etile nilipaniyeeyo fweeyo na enttela wiiya na fweeyo khwa mileele.