Yaahaya 14:10 - Hapari Zooshapweya

¹⁰ Weeyo khunkhupali yoori miiyo kiina Paapa na Paapa ona miiyo? Mattakhuzi apa kiniwuuzaanini khahiyo aka paasi. Ila, Paapa aniikhalaaye khwa miiyo, ontta okhola khaazi yawe.

Yaahaya 14:10 Referans Kwoze

Yaahaya 5:19

Aphano Yinsa khuwooza yoori: “Miiyo kiniwuuzani khweele yoori, Mwaana khanretta etthu yawe, ila onretta etile animoonaaye Paapa arettaka. Maana zooshi epile anrettaaye Paapa, Mwaana onretta etthiipo.

Yaahaya 10:38

Ila nkhama kinretta, hatha nkhama khamwinkikhupali miiyo, mwikhupalele khaazi ethiito, yoori mwiwahi ojuwa na oweeleyani yoori Paapa ori vamote na miiyo na miiyo kiri wa paapa.”

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Yaahaya 12:49

Akinjilupa miiyo, ila Paapa otu akirumiyeeyo ti akirumiyeeyo etthu yoolupa na olaleya.

Yaahaya 10:30

Miiyo na Paapa na amote.”

Yaahaya 8:28

Aphano Yinsa khuri: “Amana mweeyo mwinsifu Mwaana wa Pinaatamu, mwintta ojuwa yoori Miiyo Ti Miiyo na akinretta hatha etthu ya matakhelo aka, ila kinlupa etile Paapa akisomisiyeeyo.

Akoloosu 2:9

Maana khwa Al-Masiihu, nkhama pinaatamu, eri khwa ye ephattu yookamilikha ya Nluku,

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 5:17

Ila Yinsa khuwooza yoori: “Paapa ontta okhola khaazi mpakha leelo, na miiyo kintta okhola.”

1 Yaahaya 5:7

Owaapho oshaahiti mittatthu:

2 Akorintiyu 5:19

eto tiiti, Nluku khwa Al-Masiihu ajisiilanisa olumwenku, khuhijali twampi za anaatamu, na khuninkhelela hapari zinsilanisaaye.

Yaahaya 8:38

Miiyo kiniwuuzani epile kooniyeezo wa Paapa, na mweeyo mwinretta epile mwisiiliyeezo wa papeenu.”

Akoloosu 1:19

Maana Nluku oona oshapweya wiiyana ephattu yawe yookamilikha khwa mwanawe,

Yaahaya 14:20

Siikhu ethiito enteela oweeleyani yoori kiri khwa Paapa, mweeyo mwiri khwa miiyo na miiyo kiri khwa mweeyo.

Yaahaya 7:16

Yinsa khuwaajipu yoori: “Osomisa waka khahiyo waka, walankha wa otule akiperekhiyeeyo.

Yaahaya 8:40

Ila mweeyo mwintakha okuula, kiri miiyo kiwuuziyeenini haakhi etile kisiiliyeeyo wa Nluku. Eburahiima kharetteeni toowo.

Yaahaya 11:26

na wakhula otule ari haayi na khukaamini miiyo khanfwaru. Weeyo onkhupali epo zaya?”

Yaahaya 3:2

Ye khulawa okutthanana Yinsa osikhu na khumuuza yoori: “Rabi, ninjuwa yoori onsomisa khwa phantte ya Nluku, maana khina anwahaaye oretta alama za minjuza nkhama epo, aheetteeni Nluku wiiya vamote na ye.”

Yaahaya 14:11

Mwikikhupali miiyo amana kilupa yoori kiri khwa Paapa na Paapa ori khwa miiyo; ama nenkawu mwikikhupali mwaasa wa khaazi epi kinkholaazo.

Yaahaya 14:24

Otule ahinikiphetaaye khanshututela mattakhuzi aka. Na nttakhuzi mwinsiilaaye khahiyo laka, ila tthi la Paapa otule akirumiyeeyo.