Yaahaya 12:31 - Hapari Zooshapweya

³¹ Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Yaahaya 12:31 Referans Kwoze

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Ayeefezu 6:12

Maana viittha yeetthu fweeyo khahi khwa atthu, ila ninuumanana owahi na ofwalume, ninuumanana owahi onshinttaaye olumwenku wa yiiza na kuvu za rooho zootakhala khwa puuro za pinkuuni.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Akoloosu 2:15

na paata ya oshintta owahi na ofwalume, khuretta nsapo vamwanttiwa, ashinttaka khwa epo zaya vansalapa.

1 Yaahaya 4:4

Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

Matewuzhu 12:28

Ila nkhama kiniikara masheethwani khwa Rooho ya Nluku, eto enthoonyeza yoori Ofwalume wa Nluku wafiya vakatthi venu.

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Yaahaya 3:19

Ophukiwa waya pi opu; nuuru yata voolumwenku, ila atthu khupheta yiiza, khwiiphiiriwa ti nuuru, mwaasa wa menttezi aya aari ootakhala.

Yaahaya 9:39

Yinsa khuri: “Miiyo kata voolumwenku apha oteela ophuka, na yoori apale ahinoonaaye oone, apale anoonaaye azukuluwe eeye oohooni.”

1 Akorintiyu 1:20

Ori vayi naakhili? Ori vayi namwaatikha wa kano? Ori vayi namajuwa ottakhula? Olikha toowo Nluku khattheeni wiiya ololo akhili za olumwenku opu?

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.